Hohoˈa faaiteraa

No te haamata i te haapiiraa Bibilia i te Mahana maa matamua no Mati

“Ua hamani te rahiraa o te taata i to ratou iho manaˈo no nia i te Atua. No vetahi, e miterio oia. No te tahi atu, e Metua î i te here i te raˈi. E oe eaha to oe manaˈo?” A vaiiho ia ˈna ia pahono. A faaite atu i te api 16 o Te Pare Tiairaa no Mati – Eperera. A taio e a tauaparau i nia i te uiraa matamua e te hoê irava i horoahia. A pûpû i te mau vea e a faataa i te mahana e hiˈopoa ˈi i to muri mai uiraa.

Te Pare Tiairaa Mati – Eperera

“Te tauaparau nei tatou no nia i te tahi ati ta te huitaata e farerei nei, te pohe o tei herehia. No oe, e ere anei te reira hoê o te mau ati fifi roa ˈˈe ia faaruru? [A vaiiho ia ˈna ia pahono.] Ua tamahanahana teie irava i e rave rahi taata. [A taio i te Isaia 25:8.] I roto i teie vea, te fafau ra te Bibilia e faaorehia te pohe e e faahoˈihia mai te feia herehia i te ora.”

A ara mai na! Mati – Eperera

“Te tauaparau nei tatou i te taata no nia i te tahi fifi matauhia. E au ra e aita e navai te taime no te rave i te mau mea atoa ta tatou e hinaaro. Ia feruri oe, mea rahi iho â anei ta tatou ohipa aore ra te haamâuˈahia ra te taime no te mau mea faufaa ore? [A vaiiho ia ˈna ia pahono.] Te horoa ra te Bibilia i te mau aˈoraa o te tauturu mai ia faanaho i to tatou taime. Teie te tahi hiˈoraa. [A taio i te Philipi 1:10a.] Te faaite ra teie vea e maha ravea tei tauturu e rave rahi ia faaohipa maitai i to ratou taime.”