E nehenehe anei oe e titau manihini atu?

I roto e rave rahi amuiraa, e iti paha te taime pororaa a vetahi taata poro no te maˈi aore ra te matahiti paari. (Kor. 2, 4:16) E nehenehe anei oe e titau manihini i te tahi o ratou ia apiti atu no te faatere i te hoê haapiiraa? Mai te peu e eita ta tera taata poro e nehenehe e faarue i to ˈna fare, e tia paha ïa ia oe ia faatere i te reira i ǒ na. I te tahi mahana, e nehenehe anei e poro i tera e tera fare aore ra e hoˈi e farerei hoê aore ra e piti taata ta oe i poro e te taeae e tuahine maˈimaˈi? E rave rahi taata poro ruhiruhia aravihi. E ere ïa o ratou anaˈe te faaitoitohia, o oe atoa râ. (Roma 1:12) Hau atu â, e haamaitai atu Iehova ia tutava oe i te faaite i te aroha ma tera mau ravea.—Mas. 19:17; Ioa. 1, 3:17, 18.