Hohoˈa faaiteraa

No te haamata i te haapiiraa Bibilia i te Mahana maa matamua no Tiurai

“Te hinaaro nei te taata atoa ta matou i paraparau e ite i te hau i te fenua nei. Te tupu noa nei râ te tamaˈi. No oe, no te aha eita ˈi te taata e hopoi mai i te hau?” A vaiiho ia ˈna ia pahono. A faaite atu i te api 15 o Te Pare Tiairaa no Tiurai – Atete. A taio e a tauaparau i nia i te uiraa matamua e te hoê irava i horoahia. A pûpû i te mau vea e a faataa i te mahana e hiˈopoa ˈi i te tahi atu uiraa.

Nota: A tapao na e e ravehia teie faahiˈoraa i te putuputuraa no te taviniraa i te hebedoma o te 6 no Tiurai.

Te Pare Tiairaa Tiurai – Atete

A taio i te Ioane 1, 4:8. “Eaha to oe manaˈo i teie mau parau? [A vaiiho ia ˈna ia pahono.] E rave rahi te farii ra i te reira, no te tahi râ, i te mea e te vaiiho ra te Atua i te mau ati natura ia tupu, mea ino iho â ïa o ˈna. Eaha to oe manaˈo? [A vaiiho ia ˈna ia pahono.] Te faaite ra teie vea no te aha e ore ai e manaˈo e mea ino te Atua.”

A ara mai na! Tiurai – Atete

“Te farerei ra matou i te taata no te tauaparau i nia i te ohipa ino. Te na ô ra vetahi e e ore te reira ia faarahihia ˈtu â te mutoi. Eaha to oe manaˈo? [A vaiiho ia ˈna ia pahono.] Ua ite anei oe e te fafau ra te Atua e faaore i te ohipa ino? [A taio i te Salamo 37:10, 11.] Te haapapu ra teie vea e e tupu iho â te reira. Te horoa-atoa-hia ra te tahi ravea no te paruru ia tatou.”

Parau apî oaoa a te Atua

“Te farerei ra matou i te mau utuafare no te faaite i te tahi manaˈo anaanatae no roto mai i te Bibilia. Te uiui nei te rahiraa e no te aha te hoê Atua î i te here e vaiiho ai ia rahi te ino na te ao nei. No oe, tera anei ta ˈna i opua no te huitaata?” A vaiiho ia ˈna ia pahono. A faaite i te haapiiraa 5, a taio e a tauaparau i nia i na paratarafa matamua e te mau irava papai-faahipa-hia. A pûpû i te buka rairai e a faataa i te mahana e hiˈopoa ˈi i te uiraa piti papai-meumeu-hia.