Les jeunes s’interrogent . . . Comment se faire de vrais amis?

Ua poiete Iehova i te taata ia paraparau ratou te tahi e te tahi e ia faatupu i te auhoaraa. (Mas. 17:17; 18:1, 24) Ia faufaahia tatou taitahi i tera mau taairaa, e mea tia ia maiti maitai i to tatou mau hoa. (Mas. 13:20) A mataitai i te DVD Les jeunes s’interrogent . . . Comment se faire de vrais amis? e a pahono i teie mau uiraa.

Omuaraa parau:

(1) Eaha te hoê hoa mau?

Te mau haafifiraa o te auhoaraa:

(2) E nafea ia faaruru i te moemoe? (Phil. 2:4) (3) No te aha e mea tia ˈi ia haamaitai i to tatou huru, e o vai te nehenehe e tauturu mai ia na reira? (Kor. 2, 13:11) (4) E nafea tatou ia rahi atu â te hoa?—Kor. 2, 6:13.

Te auhoaraa e te Atua:

(5) E nafea to tatou taairaa e o Iehova e piri roa ˈtu ai, e no te aha mea hoona ˈi? (Sal. 34:8) (6) Ia faariro tatou ia Iehova ei hoa rahi roa ˈˈe no tatou, eaha te mau auhoaraa maitai ta tatou e nehenehe e fanaˈo?

Te mau hoa iino:

(7) O vai te amuiraa, aore ra hoa, iino? (Kor. 1, 15:33) (8) E nafea te mau hoa iino e tuino ai i to tatou taairaa e o Iehova?

Darama no teie tau:

(9) Eaha te haapii mai i te faatiaraa Bibilia o Dina? (Gen. 34:1, 2, 7, 19) (10) Mea nafea Tara i te patururaa i to ˈna amuiraa e te mau taurearea e ere i te Ite? (11) Eaha te mau tupuraa atâta ta Tara i faaruru no to ˈna amuiraa ˈtu i te mau hoa haapiiraa? (12) No te aha aita ˈi na metua o Tara i ara i te tupuraa atâta ta ˈna e faaruru ra, mea nafea râ to raua tautururaa ia ˈna ia maitai faahou mai to ˈna taairaa e o Iehova? (13) Mea nafea to te hoê tuahine pionie riroraa ei hoa mau no Tara? (14) Mea nafea te manaˈo o Tara i te maitairaa mai?

Ei puohuraa:

(15) Eaha ta oe i haapii mai na roto i teie DVD? (16) E nafea oe e faaohipa ˈi i teie DVD no te tauturu ia vetahi ê?

E maiti anaˈe ïa i te mau hoa o te tauturu ia tatou ia atuatu i te auhoaraa faufaa roa ˈˈe, te auhoaraa e te Atua!—Sal. 15:1, 4; Isa. 41:8.