Hohoˈa faaiteraa

No te haamata i te haapiiraa Bibilia i te Mahana maa matamua no Tetepa

“Ua ite anei oe eaha te tuhaa a te mau melahi i teie mahana i roto i te faatupuraa i te hinaaro o te Atua?” A vaiiho ia ˈna ia pahono. A horoa ˈtu i Te Pare Tiairaa o te 1 no Atete, a taio e a tauaparau i nia i te uiraa piti e te hoê irava i te api 16. A faataa i te mahana e hiˈopoa ˈi i te tahi atu uiraa.

Te Pare Tiairaa 1 no Tetepa

“Mea rahi te taata e tiaturi ra i te mau semeio. No oe, e nehenehe anei e tiaturi i te reira? [A vaiiho ia ˈna ia pahono.] Te faaite nei teie parau tohu i te hoê semeio e fatata i te tupu e o te horoa mai i te hoê tiaturiraa tamahanahana. [A taio hoê o te mau irava i raro aˈe i te tumu parau “Semeio o te fatata i te tupu.”] Te pahono ra teie vea e toru patoiraa matauhia no nia i te mau semeio.”

Te Pare Tiairaa 1 no Tetepa

“E tiaturi iho â tatou i te hoê taata o te faatia mai i te hoê aamu maere mau mai te peu e ua matauhia oia ei taata haavare ore. No oe, e nehenehe anei e tiaturi i te mau semeio o te Bibilia? [A vaiiho ia ˈna ia pahono.] A hiˈo na eaha ta te Bibilia e parau ra. [A taio i te Ioane 17:17.] Te horoa ra te tumu parau ‘E nehenehe anei e tiaturi i te mau semeio i roto i te Bibilia?’ i te tahi mau tumu e nehenehe ai e tiaturi i te reira.”