Hohoˈa faaiteraa

No te haamata i te haapiiraa Bibilia i te Mahana maa matamua no Tiurai

A taio i te Isaia 42:8 e a parau atu: “Ia au i teie irava, e iˈoa to te Atua. No oe, mea faufaa anei ia faaohipa i to ˈna iˈoa? [A vaiiho ia ˈna ia pahono.] A hiˈo na eaha tei papaihia i ǒ nei.” A horoa ˈtu i Te Pare Tiairaa o te 1 no Tiurai, a taio e a tauaparau i nia i te uiraa matamua e te hoê irava i te tumu parau “Ta te Parau a te Atua e haapii maira.” A faataa i te mahana e hiˈopoa ˈi i te tahi atu uiraa.

Te Pare Tiairaa 1 no Tiurai

“Te hinaaro nei au e ite i to oe manaˈo no nia i te hoê tumu parau faufaa. [I te api 3, a faaite i na uiraa e maha.] No oe, na te aha e faataa maitai aˈe i te Bibilia? [A vaiiho ia ˈna ia pahono.] A hiˈo na eaha ta te Bibilia iho e parau ra. [A taio i te Roma 15:4.] E faaite mai teie vea e pae tumu e tiaturi ai e e buka otahi te Bibilia e e nafea tatou e faufaahia ˈi i te reira.”

Te Pare Tiairaa 1 no Tiurai

“Ia fifi oe, eita anei oe e hinaaro i te tauturu? [A vaiiho ia ˈna ia pahono.] Te parau ra te Bibilia e noa ˈtu te parahi ra te Atua i te raˈi teitei, te tâuˈa maira iho â oia ia tatou. [A taio i te Salamo 113:5-7.] E faaite mai te tumu parau ‘E piˈo mai oe i raro i nia ia ˈu’ e ua ineine te Atua i te faahaehaa ia ˈna no te tauturu i tei hepohepo.”