A faaineine i teie nei no te poro atu â
1. E taime te tau o te Oroa haamanaˈoraa no te aha, e eaha ïa te rave?
1 E taime maitai te tau o te Oroa haamanaˈoraa no te ‘haamaitai rahi roa ia Iehova.’ (Sal. 109:30) No te haamauruuru ia ˈna no te hoo ta ˈna i horoa mai, e poro atu â ïa tatou. E na reira anei oe i Mati? A faaineine ïa i teie nei.—Mas. 21:5.
2. Ua aha oe e vetahi atu i te faaitiraahia mai te hora no te taviniraa pionie tauturu i Eperera i mairi?
2 Taviniraa pionie tauturu: I te matahiti i mairi, ua oaoa roa te mau amuiraa i te faaitiraahia mai te hora no te taviniraa pionie tauturu i Eperera. Ua papai te hoê taeae e ‘eita e maraa ia ˈna ia tavini ei pionie tamau, te haere noa ra hoi oia i te haapiiraa. E rave râ oia i te taviniraa pionie tauturu e 30 hora ma te tutava râ i te rave e 50 hora.’ Ua papai atoa te hoê tuahine e rave ra i te ohipa e e raea ia ˈna e 30 hora. Ua na ô te hoê tuahine e 80 matahiti i tavini na ei pionie: “O ta ˈu ïa i tiai noa na! Ua ite Iehova e i to ˈu taviniraa ei pionie te taime faufaa roa ˈˈe o to ˈu oraraa!” Ua poro atu â vetahi atu aita i nehenehe e tavini ei pionie tauturu.
3. No te aha e manaˈo ai e tavini ei pionie tauturu i Mati, Eperera e Me?
3 E tano maitai te avaˈe Mati no te tavini ei pionie tauturu. E nehenehe â tatou e maiti e 30 aore ra e 50 hora. Hau atu â, mai te Mahana maa 17 no Mati atu, e haamata tatou i te titau manihini i te taata i te Oroa haamanaˈoraa e tupu i te 5 no Eperera. No to ratou oaoa rahi, mea rahi te tamau â ta ratou taviniraa pionie tauturu i Eperera e Me e 50 hora.
4. E nafea e poro atu â ˈi, e eaha te faahopearaa?
4 I te arui haamoriraa utuafare i mua nei, no te aha e ore ai e tauaparau e nafea te melo taitahi e poro atu â ˈi i te tau o te Oroa haamanaˈoraa? (Mas. 15:22) A ani ia Iehova ia haamaitai i ta outou taitahi mau tutavaraa. (Ioa. 1, 3:22) Ma te poro atu â e rahi ai te arueraa ia Iehova e te oaoa atoa.—Kor. 2, 9:6.