Ua ineine anei oe no te hoê rapaauraa ru?

E nehenehe te hoê fifi ru i te pae rapaauraa e tupu taue. (Iak. 4:14) Mea maitai ïa ia vai ineine noa. (Mas. 22:3) Ua faaoti anei oe eaha te mau ravea rapaauraa e faanahoraa ta oe e farii, e ua papai anei oe i ta oe faaotiraa? No te tauturu ia oe, ua faaineinehia te DVD Des alternatives à la transfusion—Documentaires, te piti iho â râ o te tuhaa Soigner sans transfuser—Besoins et droits du patient. A mataitai ai oe, a tamata i te pahono i te mau uiraa i muri nei. No te mea e hohoˈa tâpûraa poto to roto, na te mau metua e faaoti e mataitai e ta ratou mau tamarii rii aore ra eita.

(1) No te aha vetahi o te tino rapaauraa e hiˈopoa faahou ai i te faaohiparaa i te pâmuraa toto? (2) A faahiti e toru tâpûraa fifi roa ravehia ma te ore e pâmu i te toto. (3) No te aha e rave rahi taote e taote tâpû na te ao nei i farii ai i te rapaau i te feia maˈi ma te ore e pâmu i te toto? (4) Eaha ta te mau maimiraa apî i ravehia i roto i te mau fare maˈi e faaite ra no nia i te faaohiparaa i te toto? (5) Eaha te mau fifi o te pâmuraa toto? (6) Eaha te faaotiraa a te taote e rave rahi no nia i te mau maitai o te mau ravea monoraa i te pâmuraa toto? (7) Na te aha e faatupu i te anemia? Eaha te nehenehe e rave no te faaafaro i tera fifi? (8) E nafea ia haamaitai i te hamaniraa i te toropuru ura o te hoê taata maˈi? (9) Eaha te mau ravea e faaohipahia nei ia ore ia tahe rahi te toto a tâpûhia ˈi te hoê taata? (10) E tano anei te mau ravea monoraa i te pâmuraa toto no te mau tamarii rii aore ra no te mau taata e nehenehe e pohe? (11) Ia rapaau te mau taote i te hoê taata, ia aha ratou?

I te mea e na te taata taitahi e faaoti ia au i to ˈna manaˈo haava e farii i te tahi mau ravea rapaauraa o te DVD, eiaha ïa e tiai ia tupu te fifi a feruri atu ai i ta oe e farii aore ra eita. A hiˈo i te pene 7 o te buka “Te here o te Atua” e te mau faahororaa i faahitihia. Oia atoa te api hau o Ta tatou taviniraa i te Basileia no Novema 2006. Mai te peu e ua bapetizohia oe, a tapao i ta oe i maiti i nia i ta oe tareta DPA, ta oe e afai na muri ia oe i te mau taime atoa.

[Parau iti faaôhia i te api 3]

Ua faaoti anei oe eaha te mau ravea rapaauraa e faanahoraa ta oe e farii, a papai atu ai i te reira?