Les Témoins de Jéhovah: Organisés pour proclamer la bonne nouvelle
Ua hau atu i te 100 matahiti to te mau Ite no Iehova faanahoraa ia ratou no te poro i te parau apî maitai. Tera te ohipa pororaa rahi roa ˈˈe tei ore i itehia aˈenei. E faaitehia teie poroi i roto hanere tiahapa reo e e 230 tiahapa fenua. (Mat. 24:14) No te aha mea faufaa roa ˈi teie ohipa? E nafea te reira e ravehia ˈi na te ao atoa nei? Ta te DVD ïa Les Témoins de Jéhovah: Organisés pour proclamer la bonne nouvelle e pahono mai ma te faataa huˈahuˈa i te tuhaa e rave rahi o ta tatou ohipa pororaa na te ao. A mataitai i tera DVD e a hiˈopoa i to muri nei mau uiraa.
Nafea teie DVD i te tautururaa ia outou ia mauruuru atu â (1) no te mau tutavaraa ta te faanahonahoraa a Iehova i rave no te poro i te parau apî maitai? (Tim. 2, 4:2) (2) i te mau utuafare o te Betela na te ao? (3) no te faaineineraa horoahia i te mau mitionare e tiaau? (Tim. 2, 2:2) (4) i te faufaaraa ia haamata i te mahana ma te hiˈopoa i te hoê irava Bibilia e te faaineine i te mau putuputuraa i te mau hebedoma atoa? (Ohi. 17:11) (5) no te haamaitairaa ia tae i te mau putuputuraa? (Heb. 10:24, 25) (6) no te mau haamaitairaa ta outou e fanaˈo a riro ai te fenua ei Paradaiso? (Isa. 11:9) (7) no ta outou fanaˈoraa taa ê e apiti i te auhune e tupu nei?—Ioa. 4:35.
Ua itehia e mea maitai roa teie DVD ia matau te taata anaanatae i tei ravehia ra na te ao e te mau Ite no Iehova. (8) Afea mea maitai ai ia faaite i teie DVD i ta tatou mau piahi Bibilia, to tatou fetii, aore ra ia vetahi atu? (9) Eaha te mau mea maitai ta ratou i parau mai a mataitai ai i te reira?
A feruri ai tatou i ta Iehova e rave nei, e parau tatou mai te fatu salamo: “E rave rahi, e tau Atua, e Iehova, te mau ohipa taa ê i ravehia e oe ra, e to oe ra manaˈo ia matou nei e ore e tia ia taio noa ˈtu i mua ia oe na.” (Sal. 40:5) E faaohipa maitai anaˈe i teie DVD no te tauturu ia vetahi ê ia mauruuru ia Iehova e i ta ˈna faanahonahoraa!