Hohoˈa faaiteraa

No te haamata i te haapiiraa Bibilia i te Mahana maa matamua no Atete

“E rave rahi te faahiti noa ra i teie parau o te Pure a te Fatu: ‘Ia tae to oe ra basileia. Ia haapaohia to oe hinaaro i te fenua nei mai tei te raˈi atoa na.’ I to oe manaˈo, eaha teie Basileia? [A vaiiho ia ˈna ia pahono.] Te horoa ra teie irava i te hoê faataaraa.” A taio i te Daniela 2:44. A horoa i Te Pare Tiairaa o te 1 no Atete i te fatu fare, a taio e a tauaparau i nia i te upoo parau iti matamua o te tumu parau “Ta te Parau a te Atua e haapii maira” e i nia i te hoê irava i faahitihia. A pûpû i te mau vea e a faanaho e hoˈi atu e hiˈopoa i te pahonoraa i to muri nei uiraa.

Te Pare Tiairaa 1 no Atete

“No te poto e te peapea hoi o te oraraa, te uiui ra e rave rahi no nia i te faufaaraa o te reira. O oe atoa anei? [A vaiiho ia ˈna ia pahono.] Te fafau ra te Bibilia e e taui te reira. [A taio i te Apokalupo 21:4.] Te faataa ra teie vea i te opuaraa a te Atua no te fenua e i ta tatou e nehenehe e rave ia faufaahia to tatou oraraa.”

Te Pare Tiairaa 1 no Atete

“No te mau philosopho i tahito, aita to te Atua e huru aau. E no oe? [A vaiiho ia ˈna ia pahono.] A hiˈo na i ta te Bibilia e parau ra. [A taio i te Maseli 27:11.] Te faataa ra teie tumu parau eaha to te Atua huru ia faaroo tatou ia ˈna aore ra aita.” A rave i te tumu parau “E haafatata ˈtu i te Atua—E nehenehe anei te Atua e oaoa aore ra e mauiui?”