Pahonoraa i ta outou mau uiraa

◼ Afea e hope ai te haapiiraa a te hoê piahi Bibilia e haere maitai ra i mua?

Mea maitai aˈe ia tamau te haapiiraa a te hoê piahi Bibilia e haere maitai ra i mua ia oti na buka e piti, Eaha ta te Bibilia e haapii mau ra? e te “Ia vai maite outou i roto i te here o te Atua.” Ia na reira-atoa-hia noa ˈtu e ua bapetizohia oia hou a faaoti ai na buka. E nehenehe â tatou e taio i te taime, te farerei-faahou-raa e te haapiiraa. Ia na muri te hoê taata poro ia tatou e ia apiti oia i te haapiiraa, e taio atoa oia i te hora.—A hiˈo i Ta tatou taviniraa i te Basileia no Mati 2009, api 2.

Mea faufaa ia aˈa maitai tei bapetizo-apî-hia i roto i te parau mau hou a faaea ˈi i ta ratou haapiiraa. E mea tia ia “aahia” ratou i roto i te Mesia e ia ‘papu ratou i te parau faaroo’ no te faaruru i te mau fifi. (Kol. 2:6, 7; Tim. 2, 3:12; Pet. 1, 5:8, 9) Hau atu â, no te haapii maitai ia vetahi ê, e titauhia ‘ia noaa ia ratou te ite i te parau mau.’ (Tim. 1, 2:4) Ma te faaoti na buka e piti, te tauturu nei tatou i ta tatou mau piahi ia haere ma te papu i nia i “te eˈa e tae atu ai i te ora.”—Mat. 7:14.

Hou a faatia ˈi ia bapetizohia te hoê piahi, ia papu te mau matahiapo e ua taa maitai oia i te mau haapiiraa tumu o te Bibilia e te ora ra oia ia au i te reira. Ia haapao maitai iho â râ ratou mai te peu e tei nia noâ oia i te buka haapiiraa matamua. Ia ore hoê i ineine no te bapetizoraa, e faanaho te mau matahiapo ia tauturuhia oia ia faaî i te mau titauraa no te na reira i te tahi atu â taime.—A hiˈo i te buka Organisés pour faire la volonté de Jéhovah, api 217-218.

[Parau iti faaôhia i te api 2]

Mea faufaa ia aˈa maitai tei bapetizo-apî-hia i roto i te parau mau