E nafea ia pûpû i te mau vea?

Réveillez-vous! Mati

I te hoê taata apî, a faaite i te tumu parau i te api 26. A faaite i te upoo parau iti matamua e a ui, “No oe, e parau mau anei teie mau parau aore ra mea hape? [A vaiiho i te taata ia pahono. E a taio i te Korinetia 2, 7:1.] E faataa mai te reira eaha te mea tia ia ite oe no nia i te puhipuhiraa i te avaava, e e nafea atoa ia haapae.”

Te Pare Tiairaa 1 no Eperera

“Ua faaroo ê na paha oe i teie mau parau. [A taio i te Luka 11:2.] No e rave rahi, to roto noa te Basileia i te aau e no te tahi atu mea ê ïa. E no oe? [A vaiiho i te taata ia pahono.] Mea faufaa no tatou ia ite eaha mau te Basileia e eaha ta te reira e hopoi mai. Ta teie tumu parau ïa e faataa mai.” A rave i te tumu parau “Te Basileia o te Atua—e huru o te aau anei?”

Réveillez-vous! Eperera

“O te pohe o te hoê taata herehia te tahi tupuraa fifi roa ˈˈe ta te taata e faaruru, e ere anei? [A vaiiho i te taata ia pahono.] Ua tauturu teie manaˈo e rave rahi taata. [A taio i te Salamo 55:22.] Te faaite nei teie vea i te tahi mau ravea ohie ia faaohipa no te faaruru i te oto, e e nafea atoa ia tuu i te hopoia i te Atua ra.”

Te Pare Tiairaa 1 no Me

“E tiaturiraa rau ta te taata e rave rahi no nia ia Iesu. Ia manaˈo oe, mea faufaa anei ia ite i te parau mau no nia ia ˈna? [A vaiiho i te taata ia pahono. E a taio i te Ioane 17:3.] Te faataa ra teie vea i ta te Bibilia e parau ra no nia ia Iesu, nohea mai oia, to ˈna huru oraraa, e no te aha oia i pohe ai.”