I pionie tamau na oe?
1. Eaha te oaoa ta e rave rahi i fanaˈo, eaha râ tei titauhia ia vetahi?
1 I te roaraa o te mau matahiti, ua oaoa e tausani taata poro i ‘te aˈo e te haapii atu’ i te evanelia ei tavini taime taatoa. (Ohi. 5:42) Ua faaea râ vetahi i te taviniraa pionie no te mau tumu rau. Tera anei no oe? Ua hiˈopoa faahou anei oe i to oe tupuraa no te rave â i tera taviniraa?
2. No te aha ia feruri faahou te feia i pionie na i to ratou tupuraa?
2 E taui te mau tupuraa: Aita faahou paha te tupuraa i faaea ˈi oe i ta oe taviniraa. Ei hiˈoraa, i fifi na paha oe ia raea e 90 hora i titauhia na i te avaˈe. I teie nei e 70 hora tei titauhia, e tavini faahou anei oe ei pionie? Ua iti mai anei ta oe ohipa aore ra ta oe mau hopoia utuafare i faaea ˈi oe i ta oe taviniraa? Ua rave â te hoê tuahine, tei faaea hoi no te maˈi, i teie taviniraa i te 89raa o to ˈna matahiti. Aita oia i mau i te fare maˈi ua hau atu i te hoê matahiti, ua manaˈo oia e e nehenehe ta ˈna e riro â ei pionie.
3. E nafea te mau melo utuafare e ohipa amui ai ia riro hoê o ratou ei pionie?
3 Peneiaˈe e ere oe tei pionie na, o te hoê râ fetii. Ua faaea paha oia no te haapao i te hoê melo utuafare, mai te hoê metua ruhiruhia. (Tim. 1, 5:4, 8) E nehenehe anei oe aore ra te tahi atu o te utuafare e tauturu atu â ia ˈna? No te aha e ore ai e tauaparau e o ˈna? (Mas. 15:22) Ia ohipa amui te mau melo utuafare ia riro mai hoê o ratou ei pionie, mea faahiahia roa ïa no te taatoaraa.
4. E nafea aita anaˈe oe e nehenehe e riro â ei pionie tamau?
4 Eiaha e toaruaru aita anaˈe oe e nehenehe e riro â ei pionie no to oe mau tupuraa. Te faaoaoa ra to oe aau tae ia Iehova. (Kor. 2, 8:12) A faaohipa i te mau aravihi i noaa ia oe ei pionie i roto i ta oe taviniraa. A faaite i to oe hinaaro i roto i te pure, e a haapao maite atu i te mau ravea no te faatano i to oe mau tupuraa. (Ioa. 1, 5:14) E iriti mai paha Iehova i te opani rahi o te aratai atu i te ohipa e fanaˈo faahou ai oe i te oaoa o te taviniraa pionie tamau!—Kor. 1, 16:9.