Parau faaara

◼ Papai e pûpûhia i Fepuare: Te Bibilia—Parau na te Atua aore ra na te taata? Mati: Eaha ta te Bibilia e haapii mau ra? A tutava i te haamata i te haapiiraa Bibilia i te farereiraa matamua. Mai te peu e te vai ra ta te taata teie buka e eita oia e farii i te haapiiraa, e nehenehe outou e pûpû atu i te hoê vea tahito aore ra te buka rairai E oaoa oe i te fenua e a muri noa ˈtu! Eperera e Me: Te Pare Tiairaa e te Réveillez-vous! Ia anaanatae mai te taata, a pûpû atu i te api parau E hinaaro anei oe e ite i te parau mau?

◼ Teie te manaˈo tumu o te oreroraa parau taa ê e vauvauhia i te tau o te Oroa haamanaˈoraa 2011, “E tauturu anei te mau faaueraa tumu Bibilia ia faaruru i te mau fifi o teie tau?”

◼ Aita e putuputuraa i te Tapati 17 no Eperera, te mahana o te Oroa haamanaˈoraa, maori râ to te pororaa. E nehenehe te mau amuiraa e putuputuraa ta ratou i tera mahana e tuu atu i te tahi atu mahana. Mai te peu e e rave rahi amuiraa no te hoê Piha a te Basileia e aita ˈtu e ravea, e nehenehe e faaore i tera putuputuraa. E hiˈopoa ïa te mau utuafare i te haapiiraa o Te Pare Tiairaa i te arui haamoriraa utuafare.

◼ Ia au i te mau faaueraa a te Tino aratai, te faaitoitohia ra te mau amuiraa reo Tahiti ia pee i te porotarama o te buka ‘Rends pleinement témoignage au sujet du Royaume de Dieu’ i te Haapiiraa Bibilia a te amuiraa. E horoa-atoa-hia ˈtu râ te hoê porotarama mono niuhia i nia i te buka E haafatata ˈtu ia Iehova na roto i te reo Tahiti.