‘Rends pleinement témoignage au sujet du Royaume de Dieu’
1. Mai te 14 no Mati atu, tei nia te Haapiiraa Bibilia a te amuiraa i teihea papai?
1 Mai te 14 no Mati 2011 atu, tei nia te Haapiiraa Bibilia a te amuiraa i te buka ‘Rends pleinement témoignage au sujet du Royaume de Dieu.’ E hiˈopoa teie papai i te buka Ohipa ia taa maitai te taata taio i te mau tupuraa oraora faahitihia i roto. Aita tera buka e faataa i te mau irava atoa, i te haapiiraa râ e huti mai i te mau aamu a tauturu mai ai ia ite e nafea tatou iho e faaohipa ˈi.—Roma 15:4.
2. A faataa vetahi mau tuhaa o te buka Rends témoignage.
2 Tuhaa o te buka: E rata faaitoitoraa te omuaraa, i te api 2, a te Tino aratai e faaite ra i to ratou hinaaro ia faufaahia tatou i teie papai. Mai te pene 2 atu, e faaitehia mai te manaˈo tumu o te pene taitahi e te mau irava Bibilia o te buka Ohipa e tauaparauhia. E tumu parau tarenihia atoa to roto e rave rahi pene, o te haamaramarama mai i nia i te taata, te vahi, aore ra te tupuraa. No te aano o te mau area, e nehenehe tatou e tapaopao. E tauturu mai te mau faahohoˈaraa feruri-maitai-hia ia taa i te faufaaraa o te tahi tupuraa Bibilia. E e faataa mai te tapura hohoˈa i te api hopea i ta te mau hohoˈa rau e faaite ra. E tauturu mai te mau hohoˈa fenua i pihai iho noa mai i te api matamua e hopea ia ite ihea te mau hoa haamori o te senekele matamua i te haaparareraa na mua i te evanelia “e tae noa ˈtu i te hopea o te fenua.”—Ohi. 1:8.
3. E pahono te haapiiraa i te buka Ohipa i teihea uiraa faufaa?
3 Pahonoraa i te mau uiraa faufaa: E tauturu mai te hiˈopoaraa i te buka Ohipa ia ite maite i te pahonoraa i te mau uiraa faufaa no nia i te taviniraa Kerisetiano. Ei hiˈoraa, eaha te ohipa e te poroi e itehia ˈi te mau pǐpǐ mau a Iesu Mesia? O vai te aratai ra i teie pororaa na te ao atoa nei, e e nafea? Eaha ta te hamani-ino-raa e patoiraa e faatupu no te feia poro? Eaha te tuhaa a te varua moˈa i roto i ta tatou taviniraa?
4. E nafea tatou e faufaa-roa-hia ˈi i te hiˈopoaraa i teie papai?
4 Ia faufaa-roa-hia, a hiˈopoa oioi i te tumu parau e a pahono. A haere i te putuputuraa atoa, e a feruri e nafea ia faaohipa i ta oe i haapii i roto i ta oe taviniraa. Ia nehenehe te hiˈopoaraa i teie buka anaanatae mau e faaitoito ia tatou ia faaite i to te Atua Basileia!—Ohi. 28:23.