E nafea ia pûpû i te mau vea

La Tour de Garde 1 no Tenuare

“I to oe manaˈo, e vahi maitai aˈe anei teie nei ao ia pee te taata i teie faaueraa tumu Bibilia? [A taio i te Roma 12:18. E a vaiiho i te taata ia pahono.] E uiui paha tatou: No te aha ïa te Atua i faaue ai i te tahi taime i to ˈna nunaa i tahito ra ia aro? E faaite teie tumu parau i te pahonoraa maramarama a te Bibilia.” A rave i te tumu parau i te api 13.

Réveillez-vous! Tenuare

A taio i te Ohipa 17:31a. E a parau: “Te Mahana Haavaraa, e manaˈo peapea ïa no e rave rahi. E no oe? [A vaiiho i te taata ia pahono.] Te haapii ra te Bibilia e e afai mai tera Mahana Haavaraa e rave rahi haamaitairaa. O ta teie tumu parau ïa e faaite ra.” A rave i te tumu parau i te api 10.

Te Pare Tiairaa 1 no Mati

“Te tiaturi ra e rave rahi taata e haere i nia i te raˈi ia pohe ratou. Tera atoa anei no oe? [A vaiiho i te taata ia pahono.] Teie te haamaitairaa ta te Bibilia e parau ra no te rahiraa o te taata maitai. [A taio i te Salamo 37:29.] Ia au i te Bibilia, o vai te haere i nia i te raˈi e eaha ta ratou ohipa i reira? Ta teie vea ïa e haamahitihiti.”

Réveillez-vous! Fepuare

“I teie mahana, e peu matauhia te faataaraa. Ia manaˈo oe, te feruri ra anei te rahiraa o te feia faaipoipo i te mau faahopearaa atoa hou a faaoti ai e faataa? [A vaiiho i te taata ia pahono. E a taio i te Maseli 14:15.] Te haamahitihiti ra teie vea e maha tuhaa e mea tia ia hiˈopoa te mau hoa faaipoipo e hinaaro ra e faataa.”