Parau faaara

◼ Papai e pûpûhia i Titema: Te taata rahi roa ˈˈe i ora aˈenei. Mai te peu e e tamarii to te reira utuafare, a pûpû atu i te buka Ta ˈu Buka Aamu Bibilia. Tenuare: Eaha ta te Bibilia e haapii mau ra? Mai te peu e te vai ra ta te taata teie buka, e nehenehe outou e pûpû atu i teie mau buka: Ino ore no te ao atoa nei (ws); Oraraa utuafare oaoa (fl); Teie oraraa (ts). Fepuare: Te Bibilia—Parau na te Atua aore ra na te taata? Mati: Eaha ta te Bibilia e haapii mau ra?

◼ E tupu te Oroa haamanaˈoraa o te matahiti 2011 i te Tapati 17 no Eperera, i muri aˈe i te toparaa mahana. Te horoa-oioi-hia ˈtu nei teie taio mahana ia nehenehe ia ravehia te tapaoraa aore ra te tarahuraa i te mau piha. Mai te peu iho â râ e tau amuiraa te faaohipa nei i te hoê â Piha a te Basileia, a titauhia ˈtu ai ia imi ratou i te tahi atu vahi no te oroa.

◼ E haponohia ˈtu te mau titau-manihini-raa no te Oroa haamanaˈoraa 2010 i roto i te mau amuiraa. Ia hinaaro outou i te tahi na roto i te tahi atu reo e paraparauhia ra i roto i ta outou tuhaa fenua, a faaî ïa i te hoê Demande de publications (S-14). I roto i te “Avis aux congrégations” haponohia i te mau avaˈe atoa, te vai ra te hoê tapura o te mau reo i neneihia ˈi teie mau titau-manihini-raa.

◼ A tiai noa ˈi i te buka himene apî na roto i te reo Beretane e Farani, e faaohipahia te mau himene o te buka himene tahito. Te numera himene matamua, no te buka himene apî, e tera i roto i te mau paruru, no te buka himene tahito ïa.