E nafea ia pûpû i te mau vea

Te Pare Tiairaa 1 no Titema

“E au ra e te teimaha noa ˈtura te mau utuafare. Ia manaˈo oe, eaha te faahopearaa ia tutava te mau melo utuafare i te pee i teie huru o Iesu? [A taio i te Mataio 20:28. A vaiiho i te taata ia pahono.] E faataa teie tumu parau e pae haapiiraa ta te mau utuafare e huti mai i te hiˈoraa o Iesu.” A rave i te tumu parau i te api 10.

Réveillez-vous! Novema

“No oe, e puai anei te haapaoraa no te here e te hau aore ra no te riri e te haavîraa uˈana? [A vaiiho i te taata ia pahono.] E au ra e aita e rave rahi e faaohipa nei i teie mau parau a Iesu. [A taio i te Mataio 5:44, 45.] E pahono teie tumu parau i teie uiraa, E nehenehe anei e here i to tatou mau enemi?” A rave i te tumu parau i te api 10.

Te Pare Tiairaa 1 no Tenuare

“Ia manaˈo oe, e faaore anei te Atua i te mauiui i te ao nei? [A vaiiho i te taata ia pahono.] Te horoa maira teie parau fafau Bibilia i te tumu no te tiaturi i te reira. [A taio hoê irava o te tumu parau tarenihia i te api 7.] E faaite teie vea ia au i te Bibilia afea e e nafea te Atua e faaore ai i te mauiui atoa.”

Réveillez-vous! Titema

“No vetahi, ua poietehia te ao taatoa, area no te tahi atu, ua tupu taue noa ïa e aita hoi e tumu. E no oe? [A vaiiho i te taata ia pahono.] Teie te manaˈo o te Bibilia. [A taio i te Hebera 3:4.] E horoa teie vea i te hoê faataaraa tano noa o te haamataraa e te tumu o te ao taatoa.”