E nafea ia pûpû i te mau vea

Te Pare Tiairaa 1 no Me

“Te tiaturi ra te tahi mau taata e ua faataa-ê-na-hia to tatou oraraa, a manaˈo ai vetahi atu e na tatou e maiti i to tatou a muri aˈe. Eaha to oe manaˈo? [A vaiiho i te taata ia pahono.] A tapao na i teie parau anaanatae. [A taio i te Koheleta 9:11.] Te faataa ra teie tumu parau i te pahonoraa a te Bibilia i teie uiraa, ‘Ua faataa-ê-na-hia anei to tatou oraraa?’” A rave i te tumu parau i te api 32.

Réveillez-vous! Eperera

“E rave rahi faaipoiporaa tei faataa no te taivaraa. I to oe manaˈo, e tauturu anei te faaohiparaa i teie irava ia vai tamau noa te faaipoiporaa? [A taio i te Mataio 5:28. E a vaiiho i te taata ia pahono.] Te faaohipa ra teie tumu parau i te Bibilia no te tauturu i te feia faaipoipo ia ape i te marei o te taivaraa.” A rave i te tumu parau e haamata i te api 28.

Te Pare Tiairaa 1 no Tiunu

“I to oe manaˈo, na te aha e haafifi ra paha i te hoê taata ia faatupu i te faaroo i te Atua? [A vaiiho i te taata ia pahono.] Ia au i teie irava, e mea faufaa te faaroo. [A taio i te Hebera 11:6.] Te faataa ra teie vea e maha ravea no te haapuai i to tatou faaroo.”

Réveillez-vous! Me

“Te rahi noa ˈtura te taata i teie mahana e rave hua nei i te raau ta te taote i faaue e rave. I to oe manaˈo, no teihea tumu? [A vaiiho i te taata ia pahono.] Te faaite ra te Bibilia i te tahi tumu haapeapearaa rahi, no te mau tamarii iho â râ. [A taio i te Maseli 13:20.] Te faataa ra teie vea e nafea oe e nehenehe ai e paruru ia oe e i to oe utuafare i teie maˈi pee rahi.”