Haamanaˈoraa no te Haapiiraa o te taviniraa teotaratia

E hiˈopoahia te mau uiraa o te haamanaˈoraa i muri nei i te Haapiiraa o te taviniraa teotaratia i te hebedoma o te 23 no Fepuare 2009. Na te tiaau no te haapiiraa e faatere i te haamanaˈoraa e 20 minuti o te mau manaˈo vauvauhia i te mau hebedoma o te 5 no Tenuare e tae atu i te 23 no Fepuare 2009.

1. Mea nafea to te Atua hamaniraa i te maramarama i te mahana hoê mai te peu e ua hamanihia te mau tiarama i te mahana maha? (Gen. 1:3, 16) [w04 1/1 api 28 par. 5]

2. Aita Iehova i parau ia Noa ia haavî i te fenua mai ta ˈna i faaue ia Adamu, te hoê taata tia roa, eaha ïa te auraa? (Gen. 9:1) [it-1-F api 788 par. 6]

3. Inafea te faufaa a Aberahama i te manaraa, e eaha te maororaa? (Gen. 12:1-4) [w04 1/2 api 14 par. 4; w01 15/8 api 17 par. 13]

4. Eaha te haapapu ra e aita i naea ia Nimeroda e te feia tei pee ia ˈna ta ratou fa “ia itea to [r]atou iˈoa”? (Gen. 11:4) [w98 15/3 api 24-5]

5. I te mea e e taata “parau-tia” o Lota ia au i te Petero 2, 2:7, no te aha ïa oia i pûpû ai i ta ˈna na tamahine i te nahoa taata faufau? (Gen. 19:8) [w05 1/2 api 30 par. 15-6; w04 1/2 api 15 par. 3]

6. I te mea e e titauraa ia aupuru te mau tane mǎtaˈu i te Atua i to ratou utuafare, eaha ïa Aberahama i tuu ai ia haere Hagara raua Isemaela i te medebara? (Gen. 21:10-21; Tim. 1, 5:8) [w88 15/2-F api 31]

7. Eaha ta tatou e haapii mai i to Eliezera tutavaraa i te rave i te mau mea mai ta Iehova e rave no te ite i te hoê vahine na Isaaka? (Gen. 24:14, 15, 17-19, 26, 27) [w97 1/1 api 31 par. 2]

8. Eaha te auraa o te taoto o Iakoba, te ite ra oia i te mau melahi ‘ia paiuma e ia pou i raro i te hoê eˈa’? (Gen. 28:10-13) [w03 15/10-F api 29 par. 1; it-1-F api 683]

9. No te aha Rahela i hinaaro roa ˈi i te dudaima a te tamaiti a Lea? (Gen. 30:14, 15) [w04 1/2 api 16 par. 4]

10. No te aha e hiˈoraa maitai ai o Iakoba no nia i te faaafaroraa i te mau peapea? (Gen. 33:3, 4) [g82 22/5-F api 19 par. 8-10]