Parau faaite

◼ Papai e pûpûhia i Atete: E ara! aore ra Te faatereraa o te haamau i te Paradaiso. Tetepa: Eaha ta te Bibilia e haapii mau ra? A tutava taa ê i te haamata i te mau haapiiraa bibilia i te farereiraa matamua. Mai te peu e te vai ra ta te taata teie buka, a faaite atu e nafea ratou e faufaahia ˈi i te reira ma te faataa poto i te tereraa o te hoê haapiiraa bibilia. Atopa: Te Pare Tiairaa e te Réveillez-vous! Ia faaite te taata i te anaanatae, a pûpû atu i te api parau E hinaaro anei outou e ite hau atu â no nia i te Bibilia? ma te fa e haamata i te hoê haapiiraa bibilia. Novema: Eaha ta te Bibilia e haapii mau ra? A tutava taa ê i te haamata i te mau haapiiraa bibilia.

◼ E mea tia ia ani te mau amuiraa i teie nei i te Calendrier des Témoins de Jéhovah 2009, te buka iti E hiˈopoa anaˈe i te mau Papai i te mahana hoê—2009 e te Annuaire des Témoins de Jéhovah—2009. E tuuhia te tapura o te mau reo i neneihia ˈi teie mau papai i roto i te “Avis aux congrégations” haponohia i te mau avaˈe atoa i te mau amuiraa.

◼ E ara te mau matahiapo i te pee i te mau aˈoraa o Te Pare Tiairaa o te 1 no Eperera 1991, api 25-7, no te mau taata atoa i tiavaruhia aore ra tei iriti ia ratou e o te nehenehe e faaite i te hinaaro e hoˈi mai.

◼ No te tauturu i te feia poro matapo e tei ore e ite maitai ra e te feia e anaanatae ra o te faaohipa ra i te mau ravea tapaopaoraa Braille aore ra te mau porotarama roro uira o te taio i te papai ma te reo puai, ua faanahohia te mau papai Braille roro uira o Te Pare Tiairaa no ta ratou iho faaohiparaa. Te vai ra na neneiraa no te taatoaraa e no te haapiiraa o Te Pare Tiairaa i nia i te Faito 2, aore ra na neneiraa, no te haapiiraa e te Braille reo Beretane amuihia o Te Pare Tiairaa i nia i te Faito 1 aore ra te Braille reo Paniora e Farani aita i amuihia. E haponohia te reira na roto i te roro uira i te feia o te ani i te reira. E ani te feia o te hinaaro i Te Pare Tiairaa Braille roro uira i te papai parau o te amuiraa ia hapono i te hoê rata i te Association Les Témoins de Jéhovah, B.P. 7715, 98719 Taravao. I roto i te rata, e papaihia te iˈoa e te vahi nohoraa o te taata, te iˈoa aore ra te hohoˈa matini roro uira faaohipahia, to ˈna vahi nohoraa roro uira, e e taio anei o ˈna i te Braille reo Beretane, Paniora, aore ra Farani. Mai te peu e aita to ˈna e vahi nohoraa roro uira, a horoa i te vahi nohoraa roro uira o te hoê taata o te fanaˈo e o te horoa ˈtu ia ˈna ra.