Parau faaite

◼ Papai e pûpûhia i Tiunu: Eaha ta te Bibilia e haapii mau ra? A tutava taa ê i te haamata i te mau haapiiraa bibilia. Tiurai e Atete: E ara! aore ra Te faatereraa o te haamau i te Paradaiso. Tetepa: Eaha ta te Bibilia e haapii mau ra? A tutava taa ê i te haamata i te mau haapiiraa bibilia i te farereiraa matamua. Mai te peu e te vai ra ta te taata teie buka, a faaite atu e nafea ratou e faufaahia ˈi i te reira ma te faataa poto atu i te tereraa o te hoê haapiiraa bibilia.

◼ I te mea e e pae hebedoma taatoa to Atete, e avaˈe maitai roa ïa no te rave i te taviniraa pionie tauturu.

◼ E titauhia ia hiˈopoa te hoê taeae ta te tiaau peretiteni i maiti i te tapura faufaa moni a te amuiraa no te mau avaˈe Mati, Eperera, e Me. Ia oti te reira, e faaarahia ˈtu te amuiraa i muri iho i te taioraa o te tapura faufaa moni i muri aˈe i taua hiˈopoaraa ra.—A hiˈo i te Instructions pour la comptabilité des congrégations (S-27).

◼ E mea titauhia ia hapono i te amaa i te mau aniraa no te taviniraa pionie tamau e 30 aˈe mahana hou te taio mahana i faataahia no te haamata i te taviniraa. E hiˈopoa te papai parau o te amuiraa e ua faaî-maitai-hia anei te reira. Mai te peu e aita te feia ani e haamanaˈo faahou ra i te taio mahana mau o to ratou bapetizoraa, e horoa ïa ratou i te tahi taio mahana huru fatata o ta ratou e tapao. E tapao atu te papai parau i te reira taio mahana i nia i te api parau Activité du proclamateur (Fichier de la congrégation) (S-21).

◼ Ia au i te mau faaueraa a te Tino aratai, te faaitoito nei matou i te mau haapiiraa buka reo Tahiti ia pee i te porotarama haapiiraa o te buka Vivez en gardant à l’esprit le jour de Jéhovah na roto i te reo Farani mai te hebedoma o te 4 no Atete 2008 atu. E nehenehe râ te feia i tae mai e horoa i te mau pahonoraa na roto i te reo Tahiti, mai te peu e mea ohie aˈe na ratou i roto i taua reo ra. I teie nei, no te feia aita e taa maitai ra ia ratou i te reo Farani, ia faufaahia ratou i te haapiiraa o teie buka apî, e horoahia ˈtu ïa te hoê porotarama mono no nia i te haapiiraa i te buka Te Bibilia—Parau na te Atua aore ra na te taata? e te buka rairai E ara!