Haamanaˈoraa no te Haapiiraa o te taviniraa teotaratia
E hiˈopoa-parau-vaha-hia te mau uiraa o te haamanaˈoraa i muri nei i te Haapiiraa o te taviniraa teotaratia i te hebedoma o te 29 no Atopa 2007. Na te tiaau no te haapiiraa e faatere i te haamanaˈoraa e 30 minuti o te mau manaˈo i vauvauhia i te mau hebedoma o te 3 no Tetepa e tae atu i te 29 no Atopa 2007.
TUHAA ORERORAA
1. No te aha e ravea haapiiraa faufaa ˈi te faahiti-faahou-raa i te parau? [be-F api 206 par. 1-2, tumu parau tarenihia]
2. Mea na roto i teihea mau ravea tatou e nehenehe ai e haamahitihiti i te manaˈo tumu o te hoê oreroraa parau? [be-F api 210, tumu parau tarenihia]
3. Eaha te mau manaˈo faufaa o te hoê oreroraa parau, e na te aha e aratai i ta te taata orero maitiraa i te reira? [be-F api 212 par. 1-3]
4. No te aha e mea tia ˈi ia ore ia rahi roa te mau manaˈo faufaa i roto i te hoê oreroraa parau? [be-F api 213 par. 3-5]
5. No te aha e mea faufaa ˈi ia faaara ta tatou omuaraa parau i te anaanatae, e e nafea te reira e ravehia ˈi? [be-F api 215 par. 1, tumu parau tarenihia; api 216 par. 1-3]
VAUVAURAA NO 1
6. E nafea te Salamo 119:89, 90 e tauturu ai ia tatou ia taa e e nehenehe tatou e tiaturi i ta te Atua parau? [w05 1/5 api 9 par. 3]
7. Eaha ta te buka a Ezekiela e haamataratara ra, e eaha te faahopearaa no te feia e haamoˈa ra ia Iehova i teie nei i roto i to ratou oraraa? [si api 137 par. 33]
8. E nafea “te parau a Iehova ra” e tiai ai i to tatou aau? (Sal. 18:30) [w05-F 1/9 api 30 par. 2]
9. Mea nafea te tiaturiraa o te Basileia i te haamahitihitiraahia i te roaraa o te buka a Daniela? [si api 142 par. 23]
10. E nafea te buka a Hosea e haapaari ai i to tatou faaroo i ta Iehova mau parau tohu faaurua? [si api 145 par. 14]
TAIORAA BIBILIA TAHEBEDOMA
11. Eaha te auraa o te faitoraa o te hiero i roto i te orama a Ezekiela, e eaha te haapapuraa ta te reira e horoa mai na tatou i teie mahana? (Ezek. 40:2-5) [w99 1/3 api 9 par. 6; api 14 par. 7]
12. I roto i te tupuraa hopea o te orama a Ezekiela, o vai “te raatira”? (Ezek. 48:21, MN) [w99 1/3 api 16 par. 13-5; api 22-3 par. 19-20]
13. Eaha te auraa o te Daniela 2:21? [w98 15/9 api 12 par. 9]
14. Na te aha i faariro ia Daniela ei taata “here-rahi-hia” i te aro o Iehova? (Dan. 9:23) [dp-F api 185 par. 12; w04 1/8 api 21 par. 17]
15. I roto i teihea auraa e aore ai “e ite i te Atua i te fenua” o Iseraela, e e nafea teie mau parau e ohipa ˈi i nia ia tatou taitahi e tia ˈi? (Hos. 4:1, 2, 6) [w05 1/12 api 11 par. 21; jd-F api 57-8 par. 5; api 61-2 par. 10]