Haamanaˈoraa no te Haapiiraa o te taviniraa teotaratia
E hiˈopoahia te mau uiraa o te haamanaˈoraa i muri nei i te Haapiiraa o te taviniraa teotaratia i te hebedoma o te 27 no Atete 2007. Na te tiaau no te haapiiraa e faatere i te haamanaˈoraa e 30 minuti o te mau manaˈo i vauvauhia i te mau hebedoma o te 2 no Tiurai e tae atu i te 27 no Atete 2007.
TUHAA ORERORAA
1. E nafea tatou e nehenehe ai e faaite i te faatura ia vetahi ê i roto i ta tatou taviniraa e i roto i te amuiraa? [be-F api 192 par. 2-4]
2. Eaha te mea faufaa roa mai te peu e e titauhia ia faaite tatou i te tiaturiraa papu ia aparau tatou? [be-F api 196 par. 1-3]
3. Eaha te tahi mau manaˈo o te tauturu ia tatou ia faatano i te parau ia poro tatou ia vetahi ê? [be-F api 198 par. 1-5]
4. Ia poro tatou ia vetahi ê, mea nafea te haapaoraa i te taime e au atoa ˈi i te faatanoraa i te parau? (Mas. 25:11) [be-F api 199 par. 1-3]
5. E nafea tatou e nehenehe ai e faahiti i ta tatou oreroraa parau ma te faaitoito? [be-F api 203 par. 3–api 204 par. 1]
VAUVAURAA NO 1
6. Eaha ta tatou e nehenehe e parau no nia i te mea e na Ezekiela i papai i ta ˈna buka, e e parau mau ta ˈna buka e e au i te canon? [si api 133 par. 3]
7. Eaha te hoê huru maitai e titauhia i te hoê taata no te faaoromai i te ino? [w05-F 1/6 api 29 par. 4]
8. Eaha ta tatou e haapii mai na roto i ta Iesu pahonoraa i te mau Sadukea o tei uiui ia ˈna no nia i te tia-faahou-raa? (Luka 20:37, 38) [be-F api 66 par. 4]
9. Ia ui mai te hoê piahi Bibilia aore ra te hoê hoa Kerisetiano e nafea oia i roto i te hoê tupuraa taa ê, e nafea outou ia pahono atu e tia ˈi? [be-F api 69 par. 4-5]
10. Eaha te titauhia ia ‘faaapîhia outou i roto i te puai e turai ra i to outou huru feruriraa’? (Eph. 4:23, MN) [be-F api 74 par. 4]
TAIORAA BIBILIA TAHEBEDOMA
11. I roto i te Ezekiela 9:2-4, o vai ta te taata ahu vavai e faahohoˈa ra, e eaha ta te “tapao i nia i te rae” e faaite ra? [w88-F 15/9 api 14 par. 18]
12. E nafea te mau aratai haapaoraa o te Amuiraa faaroo Kerisetiano e au ai i te “mau peropheta maamaa, o tei haapao i to ratou iho aau,” faataahia i roto i te Ezekiela 13:3? [w99 1/10 api 13]
13. A parau ai ratou i te “parabole” papaihia i roto i te Ezekiela 18:2, eaha ta te mau Iseraela i tamata i te rave, e eaha te haapiiraa faufaa e haamahitihitihia ra no nia i te tiaraa ˈtu i mua i te Atua? [w88-F 15/9 api 18 par. 10]
14. I roto i teihea auraa i riro ai Ezekiela ei “vava” i te roaraa o to Ierusalema haaatiraahia e haamouraahia? (Ezek. 24:27; 33:22) [w03-F 1/12 api 29]
15. O vai o “Goga i te fenua o Magoga,” e afea oia e haere ai e haamou i to Iehova nunaa? (Ezek. 38:2, 16) [w97 1/3 api 14 par. 1–api 15 par. 3]