Parau faaite

◼ Papai e pûpûhia i Tenuare: Te mau buka atoa 192 api i neneihia i nia i te papie o te marea aore ra o te marau, aore ra te mau buka atoa i neneihia hou 1991. Mai te peu e aita faahou ta outou teie mau buka, a ani atu i te piha a te amaa. Aita anaˈe, e nehenehe atoa outou e pûpû i te buka Ite aore ra te buka rairai E ara! Fepuare: E haafatata ˈtu ia Iehova. Mai te peu e aita ta outou teie buka, e nehenehe outou e pûpû Adorez Dieu aore ra Tahoêhia i roto i te haamoriraa. Mati: Eaha ta te Bibilia e haapii mau ra? A tutava i te haamata i te mau haapiiraa bibilia. Eperera: Te Pare Tiairaa e te Réveillez-vous! Ia hoˈi outou e farerei i te mau taata i faaite i te anaanatae, te feia iho â râ i haere i te Oroa haamanaˈoraa aore ra i te tahi tupuraa teotaratia, aita râ e apiti roa ra i te amuiraa, a tutava i te haamata i te mau haapiiraa bibilia e o ratou ma te faaohipa i te buka Bibilia haapii. ◼ Mai Fepuare atu aore ra eiaha ia mairi te 4 no Mati, e vauvau te mau tiaau haaati i te hoê oreroraa parau apî no te taatoaraa, teie te manaˈo tumu “Te ao apî a te Atua—o vai te ô atu?”

◼ E tauaparauhia te DVD Les jeunes s’interrogent . . . Que vais-je faire de ma vie? i te hoê Putuputuraa no te taviniraa i Eperera. Ia hinaarohia, a ani oioi atu i te tahi na roto i te amuiraa.

◼ Te neneihia ra ta tatou mau papai Tinito na roto e piti huru papairaa. E faaohipa pinepine te feia no Hong-Kong e no Taïwan i te papairaa tumu, parauhia te “reo Tinito” (CH). Area te rahiraa o te feia o te taio i taua reo ra, mea au aˈe ïa na ratou te “reo Tinito haapotohia” (CHS). I te mea e aita te huru papairaa faaohipahia i taaihia i te reo amaa paraparauhia (reo Cantonais, Mandarin . . .), mea faufaa ïa ia faataa i te papairaa ta te taata e au aˈe. E nehenehe tatou e faaohipa i te buka iti Une bonne nouvelle pour des gens de toutes nations, api 20-1, no te faataa ê i na papairaa e piti, a nehenehe atu ai e ani i te mau papai na roto i te papairaa e tano.

◼ E rave te mau amuiraa i te mau faanahoraa e tano no te Oroa haamanaˈoraa, o te tupu i teie matahiti i te Monire 2 no Eperera, i muri aˈe i te toparaa mahana. E faahaerehia te mau taoˈa taipe i muri aˈe noa i te toparaa mahana, noa ˈtu e e nehenehe te oreroraa parau e haamata na mua ˈˈe. A hiˈo maitai i te hora o te toparaa mahana i to outou vahi. Mea maitai aˈe ia faanaho te amuiraa taitahi i ta ˈna iho Oroa haamanaˈoraa, noa ˈtu e e ere i te mea ohie noa ia na reira. I te vahi e putuputu ai tau amuiraa i roto i te hoê â Piha a te Basileia, e nehenehe paha hoê amuiraa aore ra hau atu e faaohipa i te tahi atu piha i taua ahiahi ra. Te ani atu nei matou ia outou, mai te peu e e nehenehe, e e 40 aˈe minuti te faataa ê i na putuputuraa e piti ia nehenehe te taatoaraa e haafaufaa roa i te oroa. E hiˈopoahia te mau fifi i te pae o te tereraa pereoo, o te vahi tapearaa e o te haapouraa mai e te ohiraa ˈtu i te mau taata. E faaoti te tino matahiapo eaha te mau faanahoraa e tano aˈe i te vahi iho.

◼ E ara te mau papai parau o te mau amuiraa e e rata faatoroaraa i te pionie (S-202) ta ratou na te pionie tamau taitahi o te amuiraa. Mai te peu e aita, a papai ïa i te amaa.