E nafea ia pûpû i te mau vea

La Tour de Garde 15 no Mati

“Ua farerei aˈena te rahiraa o tatou i te oto o te poheraa te hoê taata here. Ua ite anei oe i teie parau fafau tamahanahana? [A taio i te Ohipa 24:15. E a vaiiho i te taata ia pahono.] Te uiui nei râ e rave rahi, O vai te faatia-faahou-hia? Afea e ihea te reira e tupu ai? Te horoa ra teie vea i ta te Bibilia mau pahonoraa i taua mau uiraa ra.”

Réveillez-vous! Mati

“E rave rahi taata e tiaturi nei e o Iesu te Atua. Ma te anaanatae, ua faataa Petero, te pǐpǐ a Iesu, ia ˈna mai te Tamaiti a te Atua. [A taio i te Mataio 16:16.] Ia manaˈo oe, e nehenehe anei Iesu e riro ei Atua e ei Tamaiti a te Atua atoa? [A vaiiho i te taata ia pahono.] Te pahono ra teie nei tumu parau i te mau api 12-3 i teie uiraa ma te horoa i te manaˈo bibilia.”

Te Pare Tiairaa 1 no Eperera

“Te haamataratara ra teie parau matau-maitai-hia i te faufaaraa ia noaa te ite i te Atua. [A taio i te Mataio 4:4.] No te taata e rave rahi râ, e tautooraa ïa ia taa i te Parau a te Atua. No oe atoa anei? [A vaiiho i te taata ia pahono.] Te horoa ra teie vea i te mau manaˈo tauturu e au ia faaohipa o te nehenehe e tauturu ia oe ia taa i te Bibilia.”

Réveillez-vous! Eperera

“Te tutava nei e rave rahi taata i te fanaˈo i te oaoa, teie râ, e au ra e e mea iti te ite i te reira. I to oe manaˈo, e nehenehe anei te hoê o te mau mea i tapurahia i ǒ nei e tauturu i te taata ia fanaˈo i te hoê oraraa oaoa aˈe? [A faaite i te tumu parau tarenihia i te api 9. E a taio hoê o te mau irava bibilia i faahitihia.] Te tauaparau ra teie numera o te Réveillez-vous! i te ravea niuhia i nia i te Bibilia no te oaoa mau.”