Haamanaˈoraa no te Haapiiraa o te taviniraa teotaratia
E hiˈopoa-parau-vaha-hia te mau uiraa i muri nei i te Haapiiraa o te taviniraa teotaratia i te hebedoma o te 31 no Atopa 2005. Na te tiaau no te haapiiraa e faatere i te haamanaˈoraa e 30 minuti o te mau manaˈo i vauvauhia i te mau hebedoma o te 5 no Tetepa e tae atu i te 31 no Atopa 2005. [Nota: No te uiraa aita i faataahia te papai, na outou e rave i ta outou iho maimiraa ia itea mai te pahonoraa.—A hiˈo i te École du ministère (be), api 36-7.]
TUHAA ORERORAA
1. E nafea tatou e nehenehe ai e papu e e haaputapû ta tatou haapiiraa no roto i te Parau a te Atua i te aau taipe o te taata? (Mat. 13:19) [be api 258 par. 1-2, tumu parau tarenihia]
2. Eaha te nehenehe e tauturu ia tatou ia taa eaha to roto i te aau o te hoê taata, e mea tia râ ia haapao tatou i te aha? [be api 259 par. 2-3]
3. Ia haapii tatou, no te aha e mea faufaa ˈi ia haamahitihiti i te mau huru maitatai faahiahia o Iehova? [be api 260 par. 1]
4. E nafea tatou e nehenehe ai e tauturu i ta tatou mau piahi Bibilia ia haroaroa i te mau tuhaa e titauhia ia haamaitai ratou? [be api 260 par. 4–api 261 par. 1]
5. Eaha ta tatou e nehenehe e rave no te tauturu i ta tatou mau piahi Bibilia aore ra te feia e faaroo maira ia hiˈopoa i te mau manaˈo turai o to ratou haerea? [be api 262 par. 2-3]
VAUVAURAA NO 1
6. Eaha te auraa e “imi papu” ia Iehova, e e nafea tatou e nehenehe ai e faaite e te na reira nei tatou? (Heb. 11:6) [w03-F 15/8 api 25 par. 2; api 26 par. 1-2; api 27 par. 1]
7. Eaha “te hiroa parau ora,” e e nafea te mau matahiapo e nehenehe ai e faaite e te tapea nei ratou i te reira? (Tim. 2, 1:13, 14, MN) [w03 1/1 api 29 par. 3–api 30 par. 1]
8. Eaha te auraa o te parau ra “canon Bibilia,” e eaha te tahi mau tuhaa e faataa ra e e au te hoê buka bibilia i te canon? [si api 299 par. 5-6]
9. No te aha te “Canon” a Muratori, o te hopea o te senekele 2 T.T., e haapapu taa ê ai e e au te mau Papai Heleni Kerisetiano i te canon? [si api 302 par. 19]
10. Eaha te faatiaraa no te huriraa i te Bibilia ta te mau Papai e horoa ra, e eaha te fa i ravehia e te mau huriraa i te Bibilia i tahito ra? [si api 307 par. 9]
TAIORAA BIBILIA TAHEBEDOMA
11. Te turu ra anei Te mau arii 2, 13:21 i te tiaturiraa i te haamoriraa i te mau taoˈa faaroo?
12. Ua faaau anei Hezekia i te faufaa e o Aiphiti? (Arii 2, 18:19-21, 25)
13. Noa ˈtu e aita te mau buka aamu no Asura e faahiti maitai ra i to Iehova haapauraa ma te maere ia Senakeriba, eaha te mea anaanatae ta outou e ite ra no nia i tei parauhia i roto i teie mau faatiaraa? (Arii 2, 19:35, 36)
14. O vai te metua tane o Salatiela? (Par. 1, 3:16-18)
15. I te tau o te arii Saula, mea nafea te opu o Reubena, o Gada, e te opu vaehaa o Manase i te horoaraa i te hoê hiˈoraa maitai no te mau tavini atoa a te Atua i teie mahana? (Par. 1, 5:18-22)