Haamanaˈoraa o te tairururaa haaati
E hiˈopoahia te mau uiraa i muri nei i te Putuputuraa no te taviniraa, hou rii te amuiraa e haere ai i te tairururaa haaati o te matahiti taviniraa 2006, e i muri rii aˈe atoa. E faanaho te tiaau peretiteni i te hiˈopoaraa faaineine e te haamanaˈoraa, ia au i te mau faaueraa i roto i Ta tatou taviniraa i te Basileia no Atete 2004, api 4. I te roaraa o te haamanaˈoraa, e tuuhia te mau uiraa atoa. E faaitehia e nafea tatou e nehenehe ai e faaohipa i te mau manaˈo i tatarahia.
MAHANA MATAMUA
1. E nafea tatou e ahu ai i te huru taata apî, e no te aha e titauhia ˈi ia tapea noa tatou i te reira?
2. Eaha te mau faanahoraa ta te tahi mau Kerisetiano i rave no te poro atu â?
3. No te aha eiaha ˈi tatou e faaau ia tatou ia vetahi ê?
4. E nafea te mau melo utuafare e nehenehe ai e faaite i te huru taata apî i roto i te utuafare?
5. E nafea tatou e nehenehe ai e turu i te amuiraa ma te taiva ore?
6. No te aha e titauhia ˈi ia atuatu tatou i te huru taata apî i roto i te taviniraa?
7. Eaha te feruriruriraa ma te tano, e e nafea tatou e faufaahia ˈi i te reira?
8. Eaha te mau huru maitatai e riro ai tatou ei mea ohie ia taraihia i roto i te rima o Iehova?
PITI O TE MAHANA
9. I roto i teihea mau tuhaa e mea faufaa ˈi ia faaohipa maitai i to tatou arero?
10. Eaha te mau haamaitairaa ta tatou e fanaˈo ma te faaohipa i te mau parau maitatai i roto i ta tatou mau aparauraa e to tatou mau hoa ohipa, hoa haapiiraa, e te tahi atu?
11. E nafea tatou e nehenehe ai e faaohipa i ta Paulo aˈoraa i roto i te Ephesia 4:25-32 i roto i to tatou taairaa e to tatou mau hoa Kerisetiano?
12. Eaha te faaohiparaa maitai roa ˈˈe o to tatou arero?
13. Ia aha tatou e tia ˈi ia vî te varua ino ia tatou?
14. I roto i teihea mau tuhaa e mea tia ˈi ia faaitoito tatou ia ore tatou e viivii i teie nei ao?
15. No te aha e titauhia ˈi ia faaapî tatou i te taata i roto i tera mahana i tera mahana, e e nafea ïa tatou?
16. Eaha te mau aˈoraa i faaroohia i te tairururaa haaati o teie matahiti ta outou e manaˈo ra e faaohipa?