Haamanaˈoraa no te Haapiiraa o te taviniraa teotaratia
E hiˈopoa-parau-vaha-hia te mau uiraa i muri nei i te Haapiiraa o te taviniraa teotaratia i te hebedoma o te 29 no Atete 2005. Na te tiaau no te haapiiraa e faatere i te haamanaˈoraa e 30 minuti o te mau manaˈo i vauvauhia i te mau hebedoma o te 4 no Tiurai e tae atu i te 29 no Atete 2005. [Nota: No te uiraa aita i faataahia te papai, na outou e rave i ta outou iho maimiraa ia itea mai te pahonoraa.—A hiˈo i te École du ministère (be), api 36-7.]
TUHAA ORERORAA
1. Ia faaite tatou i to tatou tiaturiraa ia vetahi ê, e nafea e ‘itea ˈi to tatou mǎrû e te taata atoa,’ e no te aha e mea faufaa ˈi te reira? (Phil. 4:5; Iak. 3:17) [be api 251 par. 1-3, tumu parau tarenihia]
2. E nafea te iteraa afea e faaite ai i te huru tano noa e tauturu ai ia tatou ia ohipa maitai i nia ia vetahi ê? [be api 253 par. 1-2]
3. No te aha e mea faufaa ˈi ia faaohipa maitai i te mau uiraa ia tauturu tatou i te taata ia feruri i te hoê mea? [be api 253 par. 3-4]
4. Eaha te mau mea e titauhia ia hiˈo no te rave i te hoê faaiteraa papu? [be api 255 par. 1-4, tumu parau tarenihia; api 256 par. 1, tumu parau tarenihia]
5. Ia haamanaˈo tatou i te aha e tia ˈi ia faaoti tatou i te haapapu atu â i te huru tano noa o te mau Papai? [be api 256 par. 3-5, tumu parau tarenihia]
VAUVAURAA NO 1
6. Eaha te haapapuraa maramarama i te vai-mau-raa o Iesu? [w03-F 15/6 api 4-7]
7. E nafea ‘te feia parau-tia e ora ˈi i to ratou vaha,’ e e nafea te fare o te feia parau-tia ‘e tia ˈi i te vai-maite-raa’? (Mas. 12:6, 7) [w03-F 15/1 api 30 par. 1-3]
8. I te mea e e ere te Bibilia i te hoê tapura faatureraa taa maitai, e nafea tatou e nehenehe ai e ‘ite i to te Fatu ra o Iehova hinaaro’? (Eph. 5:17) [w03-F 1/12 api 21 par. 2–api 22 par. 3]
9. Eaha te mau faaueraa tumu bibilia ia faaohipahia o te nehenehe e tauturu i te taata ia faaruru i te veve aore ra te mau tupuraa au ore i te pae faaravairaa faufaa? [w03-F 1/8 api 5 par. 3-6]
10. Ia aha to Iehova hiˈoraa no nia i te horoa-noa-raa i nia ia tatou e tia ˈi? (Mat. 10:8) [w03-F 1/8 api 20-2]
TAIORAA BIBILIA TAHEBEDOMA
11. Eaha te auraa o na pou e piti parauhia Iakina e Boaza i te tomoraa o te hiero patuhia e Solomona? (Arii 1, 7:15-22)
12. Ua tu anei i te Ture a Mose te pûpûraa o Solomona i na oire e 20 i te fenua no Galilea i te arii Hirama no Turia? (Arii 1, 9:10-13)
13. Eaha te haapiiraa ta tatou e nehenehe e huti mai na roto i te faaroo-ore-raa “te hoê taata no te Atua”? (Arii 1, 13:1-25)
14. Mea nafea to Asa, arii no Iuda, faaiteraa i to ˈna itoito, e eaha ta tatou e nehenehe e haapii na roto i to ˈna hiˈoraa? (Arii 1, 15:11-13)
15. Mea nafea te ohipa i tupu i nia i te arii Ahaba e ia Nabota e faataa ˈi i te fifi atâta e autâ no to ˈna iho huru tupuraa? (Arii 1, 21:1-16)