Parau faaite

◼ Papai e pûpûhia i te 1 e tae atu i te 14 no Novema: Ohipa opereraa taa ê o te buka rairai E ara! I te 15 e tae atu i te 30 no Novema: Écoute le grand Enseignant aore ra Faaroo i te Orometua rahi. I te taata aita ta ˈna e tamarii, a pûpû atu i te buka rairai Titau. E tutava ïa tatou i te haamata i te hoê haapiiraa bibilia. Titema: Te taata rahi roa ˈˈe i ora aˈenei. E nehenehe atoa e pûpû: Te Bibilia—Parau na te Atua aore ra na te taata?; Ta ˈu Buka Aamu Bibilia; aore ra E nehenehe oe e ora e a muri noa ˈtu i roto i te paradaiso i nia i te fenua nei. Tenuare: Te mau buka atoa i neneihia hou te matahiti 1990 na roto i te reo Farani e hou te matahiti 1995 na roto i te reo Tahiti e vai ra i roto i te amuiraa. Mai te peu e aita faahou ta outou taua mau buka ra, a ani atu i te piha a te amaa. Fepuare: E haafatata ˈtu ia Iehova. Mai te peu e aita ta outou teie papai, e nehenehe e pûpû i te buka Apokalupo: tatararaa hopea.

◼ E titauhia ia hiˈopoa te tiaau peretiteni aore ra te hoê taeae ta ˈna i maiti, i te tapura faufaa moni a te amuiraa i te 1 no Titema, aore ra i muri noa iho i teie taio mahana. Mai te peu e ua faaohipahia te tahi atu afata parau moni, ei hiˈoraa no te aufau i te mau haamâuˈaraa o te atuaturaa aore ra o te paturaa, e hiˈopoa-atoa-hia te reira. Ia oti te reira, e faaarahia ˈtu te amuiraa i muri aˈe i te taioraa i te tapura faufaa moni i mua nei.

◼ Te titauhia nei te mau amuiraa ia ani i te mau buka tahoêhia o Te Pare Tiairaa e te Réveillez-vous! 2004 na roto i te reo Farani. E ite mai outou i te tapura o te mau reo i neneihia ˈi teie mau buka i roto i te “Avis aux congrégations,” o te haponohia ˈtu i te mau avaˈe atoa i te mau amuiraa atoa. E haponohia ˈtu teie mau buka ia tae mai, e e itehia te reira i raro i te api parau haponoraa, no te faaite e ua tapaohia taua aniraa ra. E mea tia ia faataehia te hoê aniraa taa ê no te mau buka tahoêhia.

◼ Mai te hebedoma o te 23 no Me 2005, e hiˈopoahia te buka rairai E ara! i roto i te haapiiraa buka.

◼ Te hinaaro nei te amaa e ia nahonaho maitai te tapura o te mau vahi nohoraa e te mau numera niuniu a te mau tiaau peretiteni e papai parau atoa. I te mau taime atoa e tupu ai te hoê tauiraa, e faaî, e tuurima e e hapono oioi atu te tomite tiaauraa a te amuiraa i te api parau Changement d’adresse du surveillant-président/secrétaire (S-29) i te amaa ra.