Haamanaˈoraa no te Haapiiraa o te taviniraa teotaratia
E hiˈopoa-parau-vaha-hia te mau uiraa i muri nei i te Haapiiraa o te taviniraa teotaratia i te hebedoma o te 28 no Tiunu 2004. Na te tiaau no te haapiiraa e faatere i te haamanaˈoraa e 30 minuti o te mau manaˈo i vauvauhia i te mau hebedoma o te 3 no Me e tae atu i te 28 no Tiunu 2004. [Nota: No te uiraa aita i faataahia te papai, na outou e rave i ta outou iho maimiraa ia itea mai te pahonoraa.—A hiˈo i te École du ministère (be), api 36-7.]
TUHAA ORERORAA
1. Eaha te mau tumu e ere ai tatou i te huru aparauraa aore ra te huru natura ia paraparau tatou na mua mai? [be api 179 par. 4]
2. No te aha to tatou reo e ore ai e maitai noa mai i te hutiraa aho tano e te tamǎrûraa i te mau uaua iˈo etaeta? [be api 181 par. 2]
3. A tufa ˈi tatou i te pueraa parau mau bibilia i te tahi atu, eaha te mau taahiraa tano ta tatou e nehenehe e rave no te ‘faaau ia tatou iho i te mau mea atoa i te taata atoa nei?’ (Kor. 1, 9:20-23) [be api 186 par. 2-4]
4. Eaha te titauhia no te faaroo maitai i roto i ta tatou taviniraa? [be api 187]
5. No te aha e mea faufaa ˈi ia faatura i te taata atoa ta tatou e farerei ra i roto i ta tatou taviniraa? [be api 190]
VAUVAURAA NO 1
6. Eaha te fa a te feia e horoa ra i te haapiiraa teotaratia, e eaha te tauturu ia tatou ia naea tera fa? (Mat. 5:16; Ioa. 7:16-18) [be api 56 par. 3–api 57 par. 2]
7. No te aha e mea faufaa ˈi ia rave i te mau faaauraa ia haapii tatou, e mea nafea to Iesu faaohiparaa i teie ravea haapiiraa? [be api 57 par. 3; api 58 par. 2]
8. Taa ê atu i te mau Pharisea, mea nafea te haapiiraa a Iesu i te haaputapûraa i te aau o te taata? [be api 59 par. 2-3]
9. E nafea tatou e tauturu ai i te feia ta tatou e haapii ra ia faaohipa i ta ratou i ite, ma te ore e faaoti no ratou? [be api 60 par. 1-3]
10. E nafea tatou e pahono ai ia ani mai vetahi ê i te mau mea e na ratou iho e faaoti? [be api 69 par. 4-5]
TAIORAA BIBILIA TAHEBEDOMA
11. No te aha o Mose i pee roa ˈi i “te huru [aore ra hohoˈa] o te sekene, e te huru [aore ra hohoˈa] o to ˈna atoa ra mau mea”? (Exo. 25:9) [it-2-F api 1031 par. 6]
12. Eaha ta tatou e nehenehe e haapii mai na roto i te pahonoraa a Aarona ia Mose no nia i te kafa auro? (Exo. 32:24)
13. Eaha ta tatou e nehenehe e haapii mai na roto i te faaiteraa i te faaroo a te mau ati Iseraela tei auraro i te faaueraa a Iehova i roto i te Exodo 34:23, 24?
14. Eaha te fa o te hoê tusia no te maitai? (Lev. 3:1)
15. E nafea te faatoroaraa o Aarona, tei papaihia i roto i te Levitiko 8:23 e au mau ai ia Iesu? [it-2-F api 460 par. 3; w68-F api 624 par. 24]