Parau faaite

◼ Papai pûpûhia i Mati: Te ite e aratai i te ora mure ore. E tutava iho â râ tatou i te haamata i te mau haapiiraa bibilia. Mai te peu e te vai aˈena ra ta te taata, e nehenehe e pûpû atu i te buka Prêtons attention à la prophétie de Daniel! Eperera e Me: Te Pare Tiairaa e Réveillez-vous! (Na vea e piti) I roto i te mau farerei-faahou-raa, ei hiˈoraa, i te feia i haere i te Oroa haamanaˈoraa aore ra i te tahi tupuraa teotaratia, aita râ e apiti roa ra i te amuiraa, e tutava tatou i te pûpû atu i te buka Adorez Dieu na roto i te reo Farani aore ra te buka Tahoêhia i roto i te haamoriraa o te Atua mau hoê roa na roto i te reo Tahiti. E ravehia te tahi tutavaraa taa ê no te haamata i te hoê haapiiraa bibilia, mai te peu iho â râ e ua haapii aˈena te hoê taata i te buka Ite e te buka rairai Titau. Tiunu: Écoute le grand Enseignant. I te taata aita ta ˈna e tamarii, a pûpû atu i te buka rairai Titau. E tutava ïa tatou i te haamata i te hoê haapiiraa bibilia.

◼ Eita te amaa e farii i te mau aniraa buka a te taata poro taitahi. E haapao te tiaau peretiteni e ia horoahia te hoê parau faaara i te mau avaˈe atoa hou te aniraa buka taavaˈe a te amuiraa e haponohia ˈi i te amaa. Na roto i teie ravea, e nehenehe ïa te feia atoa e hinaaro ra i te tahi mau buka na ratou iho e faaara i te taeae haapao i te mau buka. A haamanaˈo eaha te mau buka e mea titauhia ia ani i nia i te hoê api parau aniraa taa ê.

◼ E nehenehe e ani i te tahi mau haamaramaramaraa i te pae haavaraa no te tauturu i te feia poro tei roto i te hororaa no nia i te haapaoraa i te mau tamarii, e i te tiaraa e haere e farerei, e te faahapa-atoa-hia ra ta tatou haapaoraa. O te tino matahiapo anaˈe te nehenehe e ani i te reira, i roto noa i te hoê tupuraa e mea papu maitai e o te mau tiaturiraa faaroo a te taata poro te parihia. Te feia tei roto ratou i te mau aimârôraa no nia i te haapaoraa i te mau tamarii e i te tiaraa e haere e farerei, aita e faahitihia ra te parau o te haapaoraa, e nehenehe ïa ratou e ite i te tahi mau haamaramaramaraa faufaa i roto i te mau A ara mai na! o te 8 no Titema 1997, api 3-12; o te 8 no Tiurai 1988, api 2-14; e o te 8 no Eperera 1991, tumu parau tarenihia i te api 21.

◼ E ara te papai parau e te vai ra ta te Tomite paturaa no te fenua te mau haamaramaramaraa tia no nia i te feia poro bapetizohia atoa o te amuiraa o tei horoa i te hoê api parau Construction de Salles du Royaume—Questionnaire pour les volontaires (S-82). Mai te peu e e taui te tupuraa o te hoê rima tauturu, ei hiˈoraa e taui oia i te vahi faaearaa aore ra ua nominohia oia ei tavini tauturu aore ra ei matahiapo, e mea tia ia faaî-oioi-hia te hoê api parau apî e ia horoa ˈtu i te tomite. Mai te peu e e taui te afata rata aore ra te numera niuniu a te hoê rima tauturu, aore ra aita to ˈna e roo maitai faahou i roto i te amuiraa, e faaara oioi te mau matahiapo i te Tomite paturaa no te fenua na roto i te hoê rata. Ia tere te tiaau haaati i roto i te mau amuiraa, e mea tia ia hiˈopoa oia i te mau api parau S-82 e vai ra i roto i te vairaa api parau a te amuiraa.

◼ Te titau ra te ture e ia tapao te mau taurearea tane atoa i to ratou iˈoa i te fare oire ia naea to ratou 16 matahiti. E mea tia i te feia atoa no ratou teie parau ia faaî oioi i taua titauraa ra, ma te hiˈo i te reira mai te hoê titauraa Kerisetiano i mua i te feia mana toroa. E feruri te mau matahiapo i te reira e e haamanaˈo atu ratou i te mau taeae apî e piri ra i te 16 matahiti. E pahono ratou i te mau uiraa no nia i te mau hopoia e titauhia i te mau taurearea Kerisetiano i roto i taua tuhaa ra.