Parau faaite

◼ Papai e pûpûhia i Fepuare: E haafatata ˈtu ia Iehova. Mai te peu e aita ta outou, e nehenehe e pûpû i te buka nainai aore ra rahi Ora e a muri noa ˈtu aore ra te buka Apokalupo—Tatararaa hopea. Mati: Te ite e aratai i te ora mure ore. E tutava iho â râ tatou i te haamata i te mau haapiiraa bibilia. Mai te peu e te vai aˈena ra ta te taata, e nehenehe e pûpû atu i te buka Prêtons attention à la prophétie de Daniel! Eperera e Me: Te Pare Tiairaa e Réveillez-vous! (Na vea e piti) I roto i te mau farerei-faahou-raa, ei hiˈoraa, i te feia i haere i te Oroa haamanaˈoraa aore ra i te tahi tupuraa teotaratia, aita râ e apiti roa ra i te amuiraa, e tutava tatou i te pûpû atu i te buka Adorez Dieu e i te haamata i te hoê haapiiraa bibilia mai te peu iho â râ e ua haapii aˈena te hoê taata i te buka Ite e te buka rairai Titau.

◼ E titauhia ia hiˈopoa te tiaau peretiteni aore ra te hoê taeae ta ˈna i maiti, i te tapura faufaa a te amuiraa i te 1 no Mati, aore ra i muri noa iho i teie taio mahana. Ia oti taua hiˈopoaraa ra, e faaarahia ˈtu te amuiraa i muri aˈe i te taioraa i te tapura faufaa i mua nei. E taiohia te mau parau faaite atoa no nia i te mau ô a te amuiraa no te ohipa na te ao nei aore ra no te tahi atu mau faufaa paturuhia e te faanahonahoraa a Iehova.

◼ E hiˈopoa te papai parau e te tiaau no te taviniraa i te ohipa a te taatoaraa o te mau pionie tamau. Mai te peu e te fifihia ra vetahi ia naea ta ratou mau hora, e faanaho ïa te mau matahiapo e ia tauturuhia ratou. E ite outou i te mau manaˈo tauturu i roto i te mau rata matahiti S-201.

◼ Teie te upoo parau o te oreroraa parau taa ê no te taatoaraa o te hohorahia i te tau o te Oroa haamanaˈoraa 2004, “A faaitoito e a tiaturi ia Iehova.” A hiˈo i te parau faaite o te reira i roto i Ta tatou taviniraa i te Basileia no Tetepa 2003.