Parau faaite

◼ Papai e pûpûhia i Titema: Te taata rahi roa ˈˈe i ora aˈenei. E nehenehe atoa e pûpû: Ta ˈu Buka Aamu Bibilia; Te Bibilia—Parau na te Atua aore ra na te taata? aore ra E nehenehe oe e ora e a muri noa ˈtu i roto i te paradaiso i nia i te fenua nei. Tenuare: Te mau buka atoa i neneihia hou te matahiti 1988 na roto i te reo Farani e hou te matahiti 1990 na roto i te reo Tahiti e vai ra i roto i te amuiraa. Mai te peu e aita faahou ta outou, a ani atu i te piha ohipa a te amaa. Aita anaˈe, e nehenehe e pûpû L’humanité à la recherche de Dieu. Fepuare: E haafatata ˈtu ia Iehova. Mai te peu e aita ta outou, e nehenehe e pûpû: E nehenehe oe e ora e a muri noa ˈtu i roto i te paradaiso i nia i te fenua nei aore ra Te Apokalupo—Ua fatata roa to ˈna tatararaa rahi hopea nei! Mati: Te ite e aratai i te ora mure ore. E tutava iho â râ tatou i te haamata i te mau haapiiraa bibilia. Mai te peu e te vai aˈena ra ta te taata, e nehenehe e pûpû atu i te buka Prêtons attention à la prophétie de Daniel!

◼ Haamanaˈoraa i te mau taeae haapao i te tapura faufaa a te amuiraa: E mea tia ia haponohia te mau ô i tuuhia i roto i te mau afata no te ohipa na te ao nei e te Faufaa no te mau Piha a te Basileia i te mau avaˈe atoa e eiaha e faaohipa i te reira no te aufau i te tahi tarahu no te Piha a te Basileia aore ra i te tahi atu haamâuˈaraa a te amuiraa.

◼ I mua nei e horoahia ˈtu ai te mau parau titau-manihini-raa i te Oroa haamanaˈoraa 2004 na roto i te reo Farani e te reo Tahiti.

◼ A tapao e i te matahiti 2005, e tupu te Oroa haamanaˈoraa i te Mahana maha 24 no Mati, i muri aˈe i te toparaa mahana. Te horoa-oioi-hia ˈtu nei teie taio mahana ia nehenehe outou e tapea aore ra e tarahu i te mau piha, mai te peu e e rave rau amuiraa o te faaohipa nei i te hoê â Piha a te Basileia, e e titauhia ia imi ratou i te tahi atu vahi no teie oroa. No reira, ia faaau te mau matahiapo e te feia faatere eiaha te tahi ohipa i roto i taua mau vahi ra ia haafifi i te tereraa hau e te nahonaho o te Oroa haamanaˈoraa e tia ˈi. No te faufaa o teie oroa, ia maiti te tino matahiapo i te hoê o te mau matahiapo aravihi roa ˈˈe ei taeae orero no te Oroa haamanaˈoraa e tia ˈi, eiaha râ e rave i te hoê taeae i muri aˈe i te tahi aore ra i tera noâ taeae i te mau matahiti atoa. Mai te peu e e nehenehe te hoê taeae faatavaihia, e matahiapo aravihi oia, e hohora i te oreroraa parau, o ˈna ïa te au ia maitihia.

◼ Mai te 15 no Mati 2004 e tae atu i te 16 no Me 2005, e hiˈopoahia te buka E haafatata ˈtu ia Iehova i roto i te mau haapiiraa buka. E mea tia ia ani oioi te mau amuiraa o te hinaaro i tera buka papai rarahi.