Haamanaˈoraa no te Haapiiraa o te taviniraa teotaratia
E hiˈopoa-parau-vaha-hia te mau uiraa i muri nei i te Haapiiraa o te taviniraa teotaratia i te hebedoma o te 28 no Eperera 2003. Na te tiaau no te haapiiraa e faatere i te haamanaˈoraa e 30 minuti o te mau manaˈo i vauvauhia i te mau hebedoma o te 3 no Mati e tae atu i te 28 no Eperera 2003. [Nota: No te uiraa aita i faataahia te papai, na outou e rave i ta outou iho maimiraa ia itea mai te pahonoraa.—A hiˈo i te buka École du ministère [be], api 36-7.]
TUHAA ORERORAA
1. Eaha te tahi mau tumu e maumau ai te parau? [be api 93]
2. Tano aore ra hape: E apehia te mau faafaaearaa e tia ˈi, i te mea e e nevaneva te feruriraa o te taata e e nehenehe ta ratou e tâpû i te parau. A faataa.
3. Eaha te faufaa ia faateiaha te taeae orero aore ra te taata taio i te mau taˈo faufaa? (Neh. 8:8) [be api 101]
4. E nafea e haamataratara ˈi i te faateiaharaa i te mau taˈo faufaa? [be api 102-3]
5. Eaha te mau manaˈo faufaa e titauhia ia haamahitihiti ia taio tatou ma te reo puai i te hoê papai i te hoê haapiiraa bibilia aore ra i te hoê putuputuraa a te amuiraa? [be api 105]
VAUVAURAA No 1
6. Eaha ta te mau metua e nehenehe e rave no te faaineine i te mau tamarii ‘ia ite ratou e ia haapii’ i te mau putuputuraa Kerisetiano? (Deut. 31:12) [be api 16]
7. Eaha te paradaiso i te pae varua? [w01 1/3 api 8-10]
8. E nafea te Maseli 8:1-3 e faaite ai e e nehenehe te taata atoa e fanaˈo i te paari o te Atua, e ia au i te Kolosa 2:3, ihea te reira e itehia ˈi? [w01 15/3 api 25, 28]
9. E nafea tatou ia faaite haere i te iˈoa o te Atua? (Ioa. 17:6) [be api 273-5]
10. Eaha te parau rii faufaa ta te taata e hinaaro i te ite no nia i “te evanelia o te basileia?” (Mat. 24:14) [be api 279-80]
TAIORAA BIBILIA TAHEBEDOMA
11. (a) I te senekele matamua, eaha te “mea riaria” i faahitihia i roto i te Mareko 13:14? (b) Te faaauhia ra to ˈna “tiaraa i te vahi au ore ra” i te aha?
12. Mea nafea to te Evanelia a Luka faataaraa e o Iesu iho â te taata aiˈa o te terono o Davida? (Luka 3:23-38) [w92 1/10 api 9 par. 3]
13. Eaha te auraa o ta Iesu i parau i roto i te Luka 12:2?
14. I roto i ta Iesu faahohoˈaraa o te diderama i moe, no te aha e mea faahiahia ˈi te huru o te mau melahi? (Luka 15:10) E nafea to ratou hiˈoraa e ohipa ˈi i nia ia tatou?
15. Eaha na faufaa e piti i faahitihia i roto i te Luka 22:29 (MN)?