E nafea ia pûpû i te mau vea

La Tour de Garde 15 no Mati

“I to oe manaˈo, e mea faufaa anei ta Iesu mau haapiiraa no to tatou tau? [E faaroo tatou i te pahonoraa.] Papu maitai e e farii oe i teie faaueraa ta ˈna i horoa i te mahana hopea o to ˈna oraraa i te fenua nei. [E taio tatou i te Ioane 15:12.] Ua horoa atoa Iesu i te tahi mau haapiiraa faufaa roa i taua mahana ra. I roto i teie numera o Te Pare Tiairaa, e ite oe e nafea tatou e faufaahia ˈi i te reira.”

Réveillez-vous! 22 no Mati

“Ua tapao anei oe i teie mahana, e mea fifi no te taata e rave rahi ia aa to ratou taoto? [E vaiiho tatou i te taata ia pahono.] O te mau tapitapi te tumu i te tahi taime. [E taio tatou i te Koheleta 5:12.] Te tatara ra teie vea i te tahi mau tumu o te taoto ore e te pûpû ra i te tahi mau manaˈo tauturu no te haamaitai i to tatou taoto.”

Te Pare Tiairaa 1 no Eperera

“I nia i teie nau api, te ite nei tâua i te amuraa maa parau-noa-hia te Amuraa maa ahiahi hopea. [E faaite tatou i te muaraa e te muriraa o te vea.] Ua ite anei oe e teie anaˈe te oroa e mea tia ia haamanaˈo te mau Kerisetiano? [E faaroo tatou i te pahonoraa, e taio atu ai i te Luka 22:19.] Te faataa ra teie vea no te aha e mea faufaa roa ˈi teie oroa e eaha to ˈna auraa no oe.”

Réveillez-vous! 8 no Eperera

“E ere anei i te mea peapea e mea rahi te taurearea e faaino nei i to ratou oraraa e te raau taero? [E faaroo tatou i te pahonoraa.] E haamata pinepine te mau fifi ia amuimui ratou e te mau taata iino. [E taio tatou i te Korinetia 1, 15:33.] Te faaite ra teie numera o te Réveillez-vous! eaha tei turai i te feia apî ia rave i te raau taero e e nafea te mau metua e paruru ai ia ratou.”