Mau parau faaite

◼ Mau papai e pûpûhia i te avaˈe Fepuare: Te Apokalupo—Ua fatata roa to ˈna tatararaa rahi hopea nei!; La vie: comment est-elle apparue? Évolution ou création? aore ra te mau buka tahito aˈe atoa 192 api e vai ra i roto i te amuiraa. Mati: Te ite e aratai i te ora mure ore. E ravehia te tahi tutavaraa taa ê no te haamata i te mau haapiiraa bibilia. Eperera e Me: Te Pare Tiairaa e Réveillez-vous! A faaite atu i te buka rairai Titau ma te fa e haamata i te mau haapiiraa bibilia.

◼ E nehenehe te feia poro e poro ra i roto i te mau tuhaa fenua aitâ i tufahia e pûpû i te buka ra Ite aore ra te buka rairai ra Titau. Mai te peu e te vai aˈena ra ta te taata teie nau papai, e nehenehe ratou e pûpû i te tahi atu papai. E rave atoa mai te feia poro i te mau api parau iti no te mau fare aita e taata aore ra no te mau taata e ore e farii i te mau papai. E ravehia te tutavaraa no te atuatu i te anaanatae, i te mau tuhaa fenua iho â râ aitâ i tufahia o te nehenehe e porohia e te tahi atu mau amuiraa tapiri.

◼ Ia au i te ture o te 28 no Atopa 1997 e o te 1 no Tenuare 1999, e tia i te mau taurearea atoa, tamaroa e tamahine, ia tapao i to ratou iˈoa i te fare oire o to ratou vahi nohoraa. No te mau tamaroa e mau tamahine tiaraa Farani atoa 16 matahiti to ratou teie titauraa Kerisetiano. E tia ia ratou ia tapao i to ratou iˈoa i te avaˈe e tia ˈi to ratou 16 matahiti aore ra i te avaˈe i muri iho. E tia i te feia no ratou teie parau ia faaî oioi i taua titauraa ra, ma te hiˈo i te reira mai te hoê titauraa Kerisetiano i mua i te feia mana toroa. E feruri te mau matahiapo i te reira e e horoa ratou i te mau haamanaˈoraa e tano i te mau taeae e mau tuahine apî e piri ra i te 16 matahiti. E nehenehe te mau matahiapo e pahono i te mau uiraa atoa ta teie mau taurearea e uiui no nia i taua hopoia Kerisetiano ra.

◼ E tia i te tiaau peretiteni aore ra te hoê taeae ta ˈna i maiti, ia hiˈopoa i te tapura faufaa moni a te amuiraa i te 1 no Mati, aore ra i muri noa iho i teie taio mahana. Ia oti taua hiˈopoaraa ra, e faaarahia ˈtu te amuiraa i muri aˈe i te taioraa i te tapura faufaa moni i mua nei.

◼ E hiˈopoa te papai parau e te tiaau no te taviniraa i te ohipa a te taatoaraa o te mau pionie tamau. Mai te peu e te fifi ra vetahi ia naea ta ratou mau hora, e faanaho ïa te mau matahiapo e ia tauturuhia ˈtu ratou. E ite outou i te mau manaˈo tauturu i roto i te mau rata matahiti a te amaa (S-201). A hiˈo atoa i te mau paratarafa 12-20 o te api hau o te Ministère du Royaume no Atete 1986.

◼ E ara te papai parau e te vai ra ta te tomite paturaa o te fenua iho te mau haamaramaramaraa tia no nia i te feia poro bapetizohia atoa o te amuiraa o tei horoa i te hoê api parau Construction de Salles du Royaume—Questionnaire pour les volontaires (S-82). Mai te peu e e taui te tupuraa o te hoê rima tauturu, ei hiˈoraa e taui oia i te vahi faaearaa aore ra ua nominohia oia ei tavini tauturu aore ra ei matahiapo, e tia ia faaî-oioi-hia te hoê api parau apî e ia horoa ˈtu i te tomite. Mai te peu e e taui te afata rata aore ra te numera niuniu a te hoê rima tauturu, aore ra aita to ˈna e roo maitai faahou i roto i te amuiraa, e faaara oioi te mau matahiapo i te tomite paturaa o te fenua iho na roto i te hoê rata.

◼ Te faaara ˈtu nei matou ia outou no nia i te tahi mau ohipa tia ore e faatupuhia ra i nia i te Internet aore ra na roto i te rata, e au ra e no te ani i te moni na to tatou mau taeae i roohia i te ati. Ia titau te hoê tupuraa i te haamauraa o te hoê tomite tauturu no te afai i te hoê turu i te pae materia na te mau Ite no Iehova, e faaarahia ˈtu te mau taeae haapao hopoia. E tia ia haponohia te mau ô no te haapao i taua huru hinaaro ra i te: Taatiraa Te mau Ite no Iehova, B.P. 7715, 98719 Taravao.

◼ E vauvauhia te oreroraa parau taa ê no te tau o te Oroa haamanaˈoraa i te Tapati 14 no Eperera 2002. Teie te tumu parau “A tapea noa i roto i te feruriraa i ‘te mahana riaria.’” E horoahia te hoê tino parau. Te mau amuiraa e terehia ˈtu e te tiaau haaati, e tairururaa haaati aore ra e mahana tairururaa taa ê ta ratou i taua hebedoma ra, e faaroo ïa ratou i te oreroraa parau taa ê i te hebedoma i muri iho. Eiaha te tahi noa ˈˈe amuiraa ia vauvau i teie oreroraa parau na mua ˈˈe i te 14 no Eperera 2002.

◼ E tupu te Haapiiraa a te mau pionie i te mau taio mahana i muri nei: mai te 9 e tae atu i te 18 no Atete 2002. Te ani atu nei matou i te mau pionie e i te mau tiaau haaati ia rave i te mau faanahoraa atoa ia au i te reira.

◼ Te vai ra i roto i Ta tatou taviniraa i te Basileia nei te porotarama taatoa o te haapiiraa buka Te Bibilia—Parau na te Atua aore ra na te taata? E hinaaro paha outou e nenei faahou i te reira e e tuu atu i roto i ta outou buka ia ite-ohie-hia mai.

◼ Mau papai apî e vai ra:

Farani: E hinaaro anei outou e ite hau atu â no nia i te Bibilia? (T-26); E hiˈopoa anaˈe i te mau Papai i te mau mahana atoa—2002

◼ Buka e vai faahou ra:

Farani: Buka tahoêhia o te Réveillez-vous! 1999