Haamanaˈoraa no te Haapiiraa o te Taviniraa Teotaratia
Haamanaˈoraa ma te tapiri i te buka i te mau tumu parau hiˈopoahia i roto i te Haapiiraa o te Taviniraa Teotaratia mai te hebedoma o te 3 no Tetepa e tae atu i te 24 no Titema 2001. A pahono i nia i te hoê api parau taa ê i te mau uiraa atoa e nehenehe i roto i te area taime i faataahia.
[Faaararaa: I roto i te haamanaˈoraa, o te Bibilia anaˈe te faaohipahia no te pahono i te mau uiraa. Ua horoahia te mau faahororaa i muri aˈe i te mau uiraa atoa no te faaohie i ta outou mau maimiraa. Aita i horoahia te mau numera api e paratarafa atoa o Te Pare Tiairaa.]
A tuu “tano” aore ra “hape” i muri aˈe i te mau pereota i muri nei:
1. Noa ˈtu e e hotu te faaroo a te varua o te Atua, aita te feia aita to ratou e faaroo e imi ra i taua varua ra, aore ra peneiaˈe e mau manaˈo iino te turai ra ia ratou i te ohiparaa a teie varua i roto i to ratou oraraa. (Luka 11:13; Gal. 5:22) [rs api 110 par. 1]
2. Te faaite papu ra te Salamo 58:4 e e “tariˈa” to te asepi o te ore e ohipa ra no te mea mea turi iho â te asepi. [Taioraa bibilia tahebedoma; hiˈo Rbi8-F api 1711-1712.]
3. Te “pǔpǔ rahi” vahine i faahitihia i roto i te Salamo 68:11, o te mau vahine tîtî ěê ïa o tei tuuhia e te mau tane o Iseraela i to ratou upootiaraa i nia i te mau nunaa enemi. [Taioraa bibilia tahebedoma; hiˈo w86-F 15/10 api 30 par. 6.]
4. Ahiri e ua faataa-aˈena-hia te taime e te huru o te pohe o te taata taitahi i to ˈna mahana fanauraa aore ra na mua ˈˈe, e ere ïa i te mea faufaa ia ape i te mau huru tupuraa atâta aore ra ia atuatu i te ea, e eita te mau ravea no te parururaa e taui i te faito o te poheraa. [rs api 263 par. 3]
5. Te faaite ra te manaˈo o Paulo “eiaha roa ei taata e vahavaha mai i to apîraa na” e e taurearea noa o Timoteo aore ra e 20 e tiahapa matahiti to ˈna. (Tim. 1, 4:12) [w99 15/9 api 29 mau par. 1-3; api 31 par. 2]
6. “Tau Fatu” tei papaihia i roto i te Salamo 110:1, o Iesu ïa. [Taioraa bibilia tahebedoma; hiˈo w94 1/6 api 28 par. 5.]
7. I roto i te buka Salamo, e itehia te iˈoa o Iehova fatata e 700 taime, e te haapotoraa “Ia” e 43 taime, i te faito au, ua faahitihia ïa te iˈoa o te Atua fatata e 5 taime i roto i te Salamo taitahi. [si api 104 par. 23]
8. Noa ˈtu e te parau nei te mau Papai ia Iesu e “atua,” e oia atoa e “Atua puai,” aita roa te mau Papai e parau ra ia ˈna te Mana hope. (Ioa. 1:1, MN; Isa. 9:6; Gen. 17:1) [rs api 56 par. 4]
9. Te haapiiraa i te buka o te Maseli, o te haapiiraa ïa i te paari iho o Solomona. [si api 106 par. 1]
10. Te faaite ra te aˈoraa o te Bibilia i roto i te Maseli 21:17, e ape “i te mea navenave” e mea ino ia faaanaanatae no te mea e iti mai te taime no te mau ohipa faufaa roa. [Taioraa bibilia tahebedoma; hiˈo w97 1/10 api 27 par. 7.]
A pahono i te mau uiraa i muri nei:
11. Te faaite ra to Iesu aˈo-mǎrû-raa ia Mareta i te aha? (Luka 10:40, 41) [w99 1/9 api 30 par. 7]
12. I teihea “hanahana” to Iehova hopoiraa i te papai salamo? (Sal. 73:24) [Taioraa bibilia tahebedoma; hiˈo w86-F 15/12 api 28 par. 3.]
13. Eaha te manaˈo no nia i te mau hopoia taviniraa ta te papai salamo e faaite ra i roto i te Salamo 84:1-3? [Taioraa bibilia tahebedoma; hiˈo w97 15/3 api 8 mau par. 5-7.]
14. Nafea te Apokalupo 22:17 e te Roma 2:4, 5 e faaite ai e aita te Atua i ite aore ra i faataa oioi i te mau mea atoa ta te taata e rave? [rs api 266 mau par. 1-2]
15. I te mea e te tiaturi ra te mau Kerisetiano matamua i te Faatereraa Mireniuma a Iesu i faahitihia i roto i te buka Apokalupo, eaha te mau mea i aratai i te mau Kerisetiano taiva ia faarue i teie haapiiraa a te Atua i te pae hopea? [w99 1/12 api 6 par. 3-api 7 par. 5]
16. Eaha te mau taotiaraa no nia i te ‘haapaoraa’ i te tahi atu taata e tia ˈi i te mau Kerisetiano ia haapao? (Phil. 2:4) [w99 1/12 api 29 par. 1]
17. Eaha te matara mai i roto i te faahitiraa a te Salamo 128:3 no nia i te mau tamarii “mai te ohi olive” ra te huru e haaati ra i te amuraa maa a te hoê taata? [Taioraa bibilia tahebedoma; hiˈo w00 15/8 api 30 par. 4.]
18. Mai te peu e e mea putapû na tatou te mau ohipa a te Atua, nafea te reira e ohipa ˈi i nia ia tatou? (Sal. 139:14) [Taioraa bibilia tahebedoma; hiˈo w93 1/10 api 15 par. 18.]
19. No te aha te Maseli 5:3, 4 e faataa ˈi i te mau faahopearaa o te morare ore mai “te raau maramara” e mai “te ˈoˈe mata piti ra te ooi”? [Taioraa bibilia tahebedoma; hiˈo w00 15/7 api 29 par. 2.]
20. Ia au i te Maseli 14:29, nafea te haroaroa e nehenehe ai e tauturu ia tatou ia ape i te mau faahopearaa o te riri-vave-raa e te riri mâha ore? [Taioraa bibilia tahebedoma; hiˈo w97 15/3 api 13 mau par. 7-8.]
A faaî i te mau area i roto i te mau pereota i muri nei:
21. Ua paraparau te mau peropheta mau ․․․․․․․․ e ua faaite i ․․․․․․․․. (Deut. 18:18-20; Ioa. 1, 4:1-3) [rs api 294 par. 3; api 295 par. 2]
22. E piti fa to te mau Maseli—e horoa i ․․․․․․․․ e ․․․․․․․․. (Mas. 1:1-4) [w99 15/9 api 13 par. 2]
23. “Te [vahi moe] o te Teitei ra,” e vahi ïa o ․․․․․․․․ no te feia o te tia ˈtu i te pae o te Atua no nia i te tumu parau o ․․․․․․․․; mea “moe” te reira, aore ra aita i matauhia, no te feia ․․․․․․․․. (Sal. 91:1; MN) [Taioraa bibilia tahebedoma; hiˈo w86-F 15/12 api 29 par. 6.]
24. Ua taai-mau-hia te oreraa e haamoe i te mau raveraa a Iehova e ․․․․․․․․ i “ta ˈna mau raveraa,” ta ˈna mau ohipa î i te aroha hamani maitai mai tei faataahia i roto i te Salamo 103. (Sal. 103:2) [Taioraa bibilia tahebedoma; hiˈo w99 15/5 api 21 mau par. 5-6.]
25. E parau papu te hoê maseli o te faaohipa i te hoê ․․․․․․․․ e o te ․․․․․․․․. [si api 107 par. 6]
A reni i te mau pahonoraa tano i roto i te mau pereota i muri nei:
26. Noa ˈtu e e tumu to ˈna ia riri i te huru raveraa ta ˈna i faaruru no ǒ mai ia Saula, ua haavî Davida ia ˈna iho no te mea (ua taa ia ˈna e e taata tia ore o Saula e e tia i te mau tavini a te Atua ia faaore i te hapa; te haamanaˈo maitai ra oia i to ˈna taairaa e o Iehova; ua ite oia e mea ino ia haava ˈtu). (Sam. 1, 24:6, 15) [w99 15/8 api 8 par. 7]
27. (Te paari; te titiaifaro; te parau-tia), o te anoiraa ïa o te mau tuhaa e rave rahi, tae noa ˈtu te maramarama, te ite hohonu, te ite aravihi, e te neheneheraa e feruri; (te hamani maitai; te maramarama; te feruriraa maitai) o te neheneheraa ïa e hiˈo i roto i te hoê mea e e ite eaha to roto ma te taa i te tuatiraa i rotopu i to ˈna mau tuhaa taitahi e te taatoaraa, i reira e itehia ˈi te auraa o te reira. (Mas. 1:1-4) [w99 15/9 api 13 par. 3]
28. No roto mai te puai o Iosepha no te patoi i te mau aniraa morare ore a te vahine a Potiphara i (to ˈna ite i te Ture a Mose, o tei faautua i te poreneia; te hoê mǎtaˈu faatura i te tiaraa teitei o ta ˈna tane; te haafaufaaraa i to ˈna taairaa e o Iehova). (Gen. 39:7-9) [w99 1/10 api 29 par. 3]
29. Eita e ore e ua haafaufaa rahi te taata papai i te Salamo 119 i (te parau, aore ra te ture, a te Atua; te ô o te ora; te tiaturiraa o te faaoraraa), tei faahitihia fatata i roto i te taatoaraa o te mau irava o te salamo. [Taioraa bibilia tahebedoma; hiˈo w99 1/11 api 10 par. 5; w87-F 15/3 api 24 par. 2.]
30. I roto i na pene matamua e piti o te rata a Paulo i (to Roma; to Galatia; te mau Hebera), e ite tatou i te tahi mau faahitiraa no roto mai i te mau Salamo no nia i te (tiaraa teitei; bapetizoraa; taviniraa i te fenua nei) o Iesu Mesia. [si api 105 par. 28]
A faatuati i te mau pereota i muri nei i te mau irava e tano:
Mas. 2:19; 14:15; 18:17; Roma 10:17; Heb. 13:18
31. Ia noaa te faaroo, e tia ia haamata na mua i te haapii i te mea ta te Bibilia e parau ra e ia hiˈopoa maite i te reira. [rs api 111 par. 2]
32. Eita te mau Kerisetiano e nehenehe e rave i te mau ohipa tapihoo tano ore aore ra eiaha e tâuˈa i te mau maitai tia o vetahi ê. [w99 15/9 api 10 par. 2]
33. E taea paha i te feia e rave ra i te peu morare tia ore te faito aita e ravea faahou, oia hoi te pohe, e eita ta ratou e nehenehe faahou e hoˈi mai. [w99 15/11 api 27 mau par. 4-5]
34. E faito te hoê taata paari e te haroaroa i te mau faahopearaa o ta ˈna mau ohipa e eita oia e pee matapo noa i te tahi mau peu apî no te mea noa mea matauhia te reira e te taata. [Taioraa bibilia tahebedoma; hiˈo g94-F 8/12 api 16 par. 1.]
35. Noa ˈtu e e nehenehe te manaˈo o te hoê taata e tano roa, e haerea paari ia faaroo i na pae e piti no nia i te hoê ohipa hou a rave ai i te hoê faaotiraa. [si api 111 par. 36]