To outou mau manaˈo i te ripene video ra La Bible: une force dans votre vie

No te pahono i te mau uiraa i muri nei, a faaite i to outou iho mau manaˈo no nia i te poroi e vai ra i roto i teie ripene. (1a) Na te aha i haapuai i te mau mirioni taata ia faatitiaifaro i to ratou oraraa? (Heb. 4:12) (1b) Eaha te tia ia tatou ia rave ia nehenehe te puai no roto mai i te Bibilia e taui i to tatou oraraa? (2) Eaha te mau irava bibilia tei faahitihia no te faaitoito i te mau taata faaipoipo (a) ia tauaparau maitai aˈe e (b) ia haavî i to ratou riri? (3) Nafea te hiˈoraa Kerisetiano no nia i te faaipoiporaa e haamaitai ai i te oraraa utuafare? (Eph. 5:28, 29) (4) Nafea to te Atua ra o Iehova riroraa ei hiˈoraa tia roa no nia i te horoaraa na te mau tamarii e toru mea ta ratou paatoa e hinaaro ra e e ani ra, e nafea te mau metua e pee ai ia ˈna i teie mahana? (Mar. 1:9-11) (5) No te aha e tia ˈi e na te mau metua iho e haapii i te Bibilia i ta ratou mau tamarii, e eaha te haapapuraa o te faaite ra i te faufaaraa ia haapii tamau? (Deut. 6:6, 7) (6) Nafea te mau metua e faariro ai i te haapiiraa utuafare ei mea anaanatae? (7) Taa ê atu i te haapiiraa i te Bibilia, eaha te faanahoraa ta te Parau a te Atua e aˈo ra i te mau metua ia rave no ta ratou mau tamarii? (8) Nafea te mau aˈoraa bibilia e tauturu ai i te mau utuafare ia ora maitai aˈe mai i te pae moni? (9) Eaha te mau faaueraa tumu bibilia, ia faaohipahia iho â, o te tauturu i te faaiti mai i te mau fifi o te ea? (10) Nafea te mau faaueraa tumu o te Parau a te Atua i te haamaitairaa i to outou iho oraraa? (11) No te aha te haamataitairaa i teie ripene video i te hoê taata ta outou e farerei i roto i te taviniraa e nehenehe ai e faaitoito ia ˈna ia farii i te hoê haapiiraa bibilia?