Te Haapiiraa o te Taviniraa Teotaratia 2001
1 Mea rahi te mau tumu Bibilia e tutava ˈi tatou i te apiti i roto i te Haapiiraa o te Taviniraa Teotaratia.—Mas. 15:23; Mat. 28:19, 20; Ohi. 15:32; Tim. 1, 4:12, 13; Tim. 2, 2:2; Pet. 1, 3:15.
2 E porotarama taioraa Bibilia ta te haapiiraa mea maoro i teie nei. Te tuhaa i faanahohia no te mau hebedoma atoa, oia hoi fatata hoê api taioraa i te mahana hoê. I teie matahiti, e mau pene ta tatou e taio i te hebedoma atoa o te hiˈo-faahou-raa. I teie nei, ua hope te porotarama taioraa hau, tei pûpûhia i na matahiti e toru i mairi aˈenei, mai te peu râ e e hinaaro outou e taio hau atu â i te tuhaa i faaitehia, e nehenehe outou e pee i ta outou iho porotarama.
3 Te tumu parau no 2, no te faaineine ïa i te mau taeae no te ‘taioraa’ i te Parau a te Atua “i mua i te taata.” (Tim. 1, 4:13, MN) Mai te peu e ua horoahia ˈtu na outou, a haamataro i te taio ma te reo puai e e rave rahi taime. Ia taio maitai outou, a haamaitai i ta outou faahitiraa, te tauiuiraa o to outou reo e te tahi atu â mau tuhaa, ei hiˈoraa, maoti te mau ripene Bibilia.
4 Ua niuhia te mau tumu parau no 3 e te 4 i nia i te Comment raisonner, buka tei neneihia no te pororaa. Mai te peu e eita ta outou e nehenehe e hiˈopoa i te mau manaˈo faataahia ia au i te taime i horoahia, a maiti i te mea faufaa roa ˈˈe no ta outou amuiraa. E nehenehe outou e faaohipa i te tupuraa atoa e tano i ta outou tuhaa fenua.
5 E rave anaˈe i te mau mea atoa e au ia tatou no te vauvau i ta tatou mau tumu parau atoa. E rave anaˈe i te taime no te faaineine maitai ia tatou; e paraparau anaˈe ma to tatou mafatu. Mai te peu e e tutava tatou i te apiti i roto i te Haapiiraa o te Taviniraa Teotaratia i te matahiti 2001, e fanaˈo ïa tatou i te tahi mau maitai e e riro tatou ei faaitoitoraa no te amuiraa.