Mau parau faaite

◼ Mau papai e pûpûhia i te avaˈe Setepa: La vie: comment est-elle apparue? Évolution ou création? Atopa: Te Pare Tiairaa e te A ara mai na! Mai te peu e e faaite te hoê taata i te anaanatae ia hoˈi-faahou-hia ˈtu e farerei, e nehenehe e pûpû i te tamatahitiraa. I te hopea avaˈe o Atopa e haamata ˈi te opereraa i te mau Parau apî o te Basileia n^o 36. Novema: Opere-faahou-raa i te mau Parau apî o te Basileia n^o 36. E pûpû te mau amuiraa ua oti ta ratou tuhaa fenua i te porohia e ua vaiihohia te Parau apî o te Basileia n^o 36 i te mau melo atoa o te utuafare i te buka rairai Titau aore ra i te buka Te ite. Mai te peu e te vai aˈena ra ta te taata, e nehenehe e pûpû i te mau buka E ora e a muri noa ˈtu aore ra Création. Titema: Te ite e aratai i te ora mure ore e te Traduction du monde nouveau.

◼ Te titau ra te ture e ia tapao te mau tane atoa i to ratou iˈoa i te fare oire ia naea to ratou 16 matahiti. E tia i te feia no ratou teie parau ia faaî oioi i taua titauraa ra, ma te hiˈo i te reira mai te hoê titauraa Kerisetiano i mua i te feia mana toroa. E feruri te mau matahiapo i te reira e e haamanaˈo atu ratou i te mau taeae apî e piri ra i te 16 matahiti. E pahono ratou i te mau uiraa no nia i te mau hopoia e titauhia i te mau taurearea Kerisetiano.

◼ E ara te mau matahiapo i te pee i te mau aˈoraa a Te Pare Tiairaa o te 1 no Eperera 1991, mau api 25-27, no te mau taata tiavaruhia atoa aore ra tei iriti ia ratou e o te faaite paha i te hinaaro e hoˈi faahou mai.

◼ E tia i te feia e apiti ra i roto i te hoê amuiraa ia hapono i te mau tamatahitiraa aore ra te mau faaapîraa i te mau tamatahitiraa o Te Pare Tiairaa aore ra te A ara mai na! (ta ratou iho atoa) na roto i te arai o te amuiraa.

◼ Eita te Taiete e farii i te mau aniraa buka e faataehia mai na te taata poro taitahi. E haapao te tiaau peretiteni e ia horoahia te hoê parau faaite i te mau avaˈe atoa hou te aniraa buka a te amuiraa e haponohia ˈi i te Taiete. Na roto i teie ravea, e nehenehe ïa te feia atoa e hinaaro ra i te tahi mau buka na ratou iho e faaara i te taeae haapao i te mau buka. A haamanaˈo eaha te mau buka e tia ia anihia i nia i te hoê apî aniraa taa ê.