Mau parau faaite

◼ Mau papai e pûpûhia i te avaˈe Tiunu: Te ite e aratai i te ora mure ore no te hoê tino moni e 400 F. Tiurai e Atete: Te hoê o te mau buka rairai e 32 api i muri nei: Eaha te tumu o te oraraa? Nafea outou e ite ai i te reira?; E oaoa oe i te fenua e a muri noa ˈtu!; E tia anei ia tatou ia tiaturi i te Toru Tahi?; Ia pohe tei herehia e outou na; Te faatereraa o te haamau i te Paradaiso; Te haapao mau ra anei te Atua ia tatou? Mai te peu e e tano, e nehenehe e pûpû i teie mau buka rairai: Mau varua o te feia pohe—E nehenehe anei ratou e tauturu ia outou aore ra e hamani ino ia outou? Te vai mau ra anei ratou?; Connaîtrons-nous un jour un monde sans guerre?; Nos problèmes—Qui nous aidera à les résoudre?; Un livre pour tous. E pûpûhia teie mau buka rairai e 200 F hoê. Setepa: Te ite e aratai i te ora mure ore no te hoê tino moni e 400 F.

◼ E tia i te tiaau peretiteni aore ra te hoê taeae ta ˈna i maiti, ia hiˈopoa i te tabula faufaa moni a te amuiraa i te 1 no Tiunu, aore ra i muri noa iho i teie taio mahana. Ia oti taua hiˈopoaraa ra, e faaarahia ˈtu te amuiraa i muri aˈe i te taioraa i te tabula faufaa moni.

◼ No te huiraatira anaˈe te haponoraa i te mau tamatahitiraa i te mau vea na roto i te afata rata i te tarifa i matauhia oia hoi e 2 000 F no te matahiti hoê e e 1 000 F no e ono avaˈe. No reira, te faaitoitohia ˈtu nei te feia poro e te mau pionie ia rave i ta ratou iho mau vea i roto i ta ratou iho amuiraa, i te tuhaa e haapao ra i te mau vea e eiaha ïa e faaapî faahou i ta ratou iho tamatahitiraa ia hope anaˈe. Teie râ, te mau neneiraa parauhia braille e na roto i te mau leta rarahi (te mau tumu parau haapiiraa anaˈe) te nehenehe e tamau noa i te haponohia ˈtu i te feia poro e i te mau pionie e oia atoa i te huiraatira i te tarifa i matauhia.

Ua ani mai vetahi feia poro aore ra mau pionie e nehenehe anei e hapono-roa-hia ˈtu ta ratou tamatahitiraa na nia i te manureva na te tahi atu amaa e nenei ra i te mau vea. E nehenehe mau te reira e na reirahia no te hoê matahiti te maoro no te tamatahitiraa apî aore ra no te faaapî-faahou-raa i te tamatahitiraa. E tia noa ia ratou ia haapapu roa ˈtu i nia i ta ratou parau tamatahitiraa ma te papai atu PAR AVION. E tia atoa râ ia ratou ia aufau i te moni hau no teie huru haponoraa taa ê na nia i te manureva na te fenua ê mai. Te tarifa no teie mau tamatahitiraa hoê matahiti na nia i te manureva i Te Pare Tiairaa e te A ara mai na! e 2 200 F ïa no te feia poro e e 1 900 F no te mau pionie. Aita e tamatahitiraa na nia i te manureva no e ono avaˈe.

Hau atu, te faaara atu nei matou ia outou no nia i te mau tarifa apî i muri nei no te mau tamatahitiraa i te mau ripene e haponohia atoa ˈtu na nia i te manureva:

1) No te feia poro, mau pionie e te huiraatira: 6 300 F.

2) No te feia matapo matauhia aore ra aita e nehenehe e taio i te hoê parau i neneihia (E tia i te taeae e haapao ra i te tuhaa o te mau tamatahitiraa e te papai parau ia ara maite e ua faaî-maitai-hia taua titauraa ra.): 3 500 F.

Te vai ra te mau tamatahitiraa i te mau ripene na roto noa i te tahi mau reo. A hiˈo i te api a te feia nenei i Te Pare Tiairaa e te A ara mai na! no te ite eaha te mau reo e te mau ripene e vai ra. Eita e nehenehe e tamatahiti no e ono avaˈe. E nehenehe atoa teie mau tarifa e taui ia au i te maraaraa o te mau tarifa afata rata na nia i te manureva.

Mai te tahi atu mau tamatahitiraa atoa, e tia ia tamau noa i te afai i te mau parau tamatahitiraa na nia i te manureva aore ra te mau ripene e ta ratou moni aufau i te amaa no Tahiti, na ˈna e faatae atu i te mau amaa e na ratou e hapono.