Mau parau faaite

◼ Mau papai e pûpûhia i te avaˈe Mati: Te ite e aratai i te ora mure ore no te hoê tino moni e 400 F. E ravehia te hoê tutavaraa taa ê no te haamata i te mau haapiiraa Bibilia. Eperera e Me: Te Pare Tiairaa e A ara mai na! no te hoê tino moni 100 F te numera. E rave anaˈe i te buka rairai ra Titau no te mau taata o te faaite i te anaanatae e e tutava anaˈe i te haamata i te tahi mau haapiiraa Bibilia. Tiunu: Te ite e aratai i te ora mure ore no te hoê tino moni e 400 F.

◼ E tia i te feia poro e opua ra e riro ei pionie tauturu i te mau avaˈe Eperera e Me, ia faanaho ia ratou i teie nei iho e ia faaî oioi i ta ratou aniraa. E tauturu ïa te reira i te mau matahiapo ia rave i te mau faanahoraa hinaarohia no te pororaa e ia faaineine e ia navai maitai te mau pueraa vea e te tahi atu mau papai. E faaitehia i te amuiraa te mau iˈoa o te feia ua fariihia ta ratou aniraa no te taviniraa pionie tauturu.

◼ E tia i te tiaau peretiteni aore ra te hoê taeae ta ˈna i maiti, ia hiˈopoa i te tabula faufaa moni a te amuiraa i te 1 no Mati, aore ra i muri noa iho i teie taio mahana. Ia oti taua hiˈopoaraa ra, e faaarahia ˈtu te amuiraa i muri aˈe i te taioraa i te tabula faufaa moni.

◼ E faatupuhia te oroa Haamanaˈoraa i te Mahana maha 1 no Eperera 1999. Mai te peu e e putuputuraa ta ta outou amuiraa i te Mahana maha, e faatupuhia te reira i te tahi atu mahana o te hebedoma ia vata noa ˈtu te Piha no te Basileia. Mai te peu e eita e nehenehe e faatupu i te putuputuraa o te taviniraa, e faaôhia te mau tuhaa e titauhia no ta outou amuiraa i roto i te tahi atu putuputuraa no te taviniraa.

◼ E tia i te feia e apiti ra i roto i te hoê amuiraa ia hapono i te mau tamatahitiraa aore ra te mau faaapîraa i te tamatahitiraa i Te Pare Tiairaa aore ra i te A ara mai na! na roto i te arai o te amuiraa, e ta ratou iho atoa.

◼ Eita te Taiete e farii i te mau aniraa buka e faataehia mai na te taata poro taitahi. E haapao te tiaau peretiteni e ia horoahia te hoê parau faaite i te mau avaˈe atoa hou te aniraa buka a te amuiraa e haaponohia ˈi i te Taiete. Na roto i teie ravea, e nehenehe ïa te feia atoa e hinaaro ra i te tahi mau buka na ratou iho e faaara i te taeae haapao i te mau buka. A haamanaˈo eaha te mau buka te tia ia anihia i nia i te hoê api aniraa taa ê.

◼ Eiaha e haapao i te porotarama o te mau haapiiraa o Te Pare Tiairaa i te api 2 o te neneiraa reo Tahiti o te 15 no Tenuare 1999. E tuatapapahia na haapiiraa e piti o taua vea ra mai te 29 no Mati e tae atu i te 4 no Eperera e mai te 5 e tae atu i te 11 no Eperera 1999.

◼ E nehenehe e anihia te tahi mau papai e titauhia e te ture no te tauturu i te feia poro tei roto i te hoê hororaa no nia i te haapaoraa i te mau tamarii e i te tiaraa e haere e farerei e tei roto atoa ta tatou haapaoraa. O te mau tino matahiapo anaˈe te nehenehe e ani i te reira, i roto noa i te hoê ohipa e mea papu maitai e o te mau tiaturiraa i te pae faaroo o te taata poro te tumu o te mau fifi. Te feia tei roto ratou i te mau aimârôraa no nia i te haapaoraa i te mau tamarii e i te tiaraa e haere e farerei, e nehenehe ïa ratou e ite i te tahi mau haamaramaramaraa faufaa i roto i te mau A ara mai na! o te 8 no Titema 1997, mau api 3-12, o te 22 no Atopa 1988, mau api 2-14 (Farani), e o te 8 no Eperera 1991, tumu parau tarenihia i te api 21.