Mau parau faaite

◼ Mau papai e pûpûhia i te avaˈe Febuare: Te ravea e itehia ˈi te oaoa i te utuafare no te hoê tino moni e 400 F. Mati: Te ite e aratai i te ora mure ore no te hoê tino moni e 400 F. E ravehia te tahi tutavaraa taa ê no te haamata i te mau haapiiraa Bibilia. Eperera e Me: Te Pare Tiairaa e A ara mai na! E rave anaˈe i te buka rairai ra Titau no te mau taata o te faaite ra i te anaanatae e e tutava anaˈe i te haamata i te tahi mau haapiiraa Bibilia.

◼ Mai te hebedoma o te 22 no Mati 1999, e tuatapapahia te buka ra Te taata rahi roa ˈˈe i ora aˈenei i roto i te mau haapiiraa buka. Tei roto te porotarama taatoa o te haapiiraa i teie Taviniraa o te Basileia. E nehenehe outou e nenei faahou i te reira e te hoê matini neneiraa hohoˈa e e tuu atu i roto i ta outou buka ia ore outou e imi. Ua horoahia te tahi mau aˈoraa no te hiˈopoaraa i te omuaraa o teie buka i roto i te tumu parau ra “Te haapiiraa i te buka Te taata rahi roa ˈˈe i ora aˈenei,” e vai ra i roto i Te taviniraa o te Basileia no Setepa 1992, api 1, par. 5.

◼ E hiˈopoa te papai parau e te tiaau no te taviniraa i te ohipa a te taatoaraa o te mau pionie tamau. Mai te peu e te fifi ra vetahi ia naea ta ratou mau hora, e faanaho ïa te mau matahiapo e ia tauturuhia ˈtu ratou. E ite outou i te mau manaˈo tauturu i roto i te rata a te Taiete (S-201) o te 1 no Atopa 1998. A hiˈo atoa i te mau par. 12-20 o te api hau o Te taviniraa o te Basileia no Atete 1986 (Farani).

◼ E faanaho te mau pǔpǔ feia poro o tei rave i te mau faanahoraa no te poro i te mau avaˈe i mua i roto i te mau tuhaa fenua e mea varavara i te porohia, i te pûpû i te buka rairai ra Titau e te buka ra Te ite.