Mau parau faaite

◼ Mau papai e pûpûhia i te avaˈe Tenuare: Te mau buka atoa 192 api neneihia hou te matahiti 1985 e vai ra i roto i te amuiraa no te hoê tino moni e 400 F. Te mau amuiraa aita ta ratou, e pûpû ïa ratou i te buka ra La paix et la sécurité véritables: comment est-ce possible? no te hoê tino moni e 400 F aore ra E nehenehe oe e ora e a muri noa ˈtu i roto i te paradaiso i nia i te fenua nei no te hoê tino moni 1 000 F te buka rahi e 500 F te buka nainai (Farani). Febuare: Te ravea e itehia ˈi te oaoa i te utuafare no te hoê tino moni e 400 F. Mati: Te ite e aratai i te ora mure ore no te hoê tino moni e 400 F. E ravehia te tahi tutavaraa taa ê no te haamata i te mau haapiiraa Bibilia. Eperera: Te Pare Tiairaa e A ara mai na! no te hoê tino moni 100 F te numera. A rave i te buka rairai ra Titau no te mau taata o te faaite i te anaanatae e a tutava i te haamata i te mau haapiiraa Bibilia.

◼ E hiˈopoahia te api hau o Te Taviniraa o te Basileia no nia i te tairururaa mataeinaa 1999 i te putuputuraa no te taviniraa i te hebedoma o te 28 no Titema 1998.

◼ I te putuputuraa no te taviniraa i te hebedoma o te 4 no Tenuare, e horoahia na te feia poro bapetizohia atoa i tae mai te hoê parau “Attestation prévisionnelle” e te parau “Document d’identité médical” no ta ratou mau tamarii.

◼ Mai te avaˈe Febuare atu aore ra mai te 1 no Mati, e vauvau mai te mau tiaau haaati i te hoê oreroraa parau huiraatira apî “Mea mau anei te Atua no outou?”

◼ E rave te mau amuiraa i te mau faanahoraa e tano no te oroa Haamanaˈoraa, o te faatupuhia i teie matahiti i te Mahana maha 1 no Eperera, i muri aˈe i te toparaa mahana. E faahaerehia te mau taoˈa taipe, te pane e te uaina, i muri aˈe i te toparaa mahana, eiaha râ na mua ˈˈe, noa ˈtu e e nehenehe te oreroraa parau e haamata na mua ˈˈe. A hiˈo maitai i te hora o te toparaa mahana i to outou vahi. Mea maitai aˈe ia faanaho te amuiraa tataitahi i ta ˈna iho oroa Haamanaˈoraa, noa ˈtu e eita e nehenehe e na reira noa. I te vahi i reira e putuputu ai e rave rahi amuiraa i roto i te hoê Piha no te Basileia, peneiaˈe e nehenehe hoê amuiraa aore ra hau atu, e faaohipa i te tahi atu piha i taua po ra. Te ani atu nei matou ia outou, mai te peu e e nehenehe, e 40 minuti aˈe te faataa ê i na putuputuraa e piti no te vaiiho i te taime no te aroha i te mau manihini, no te faaitoito i te feia i anaanatae apî mai i te parau mau e no te haafaufaa roa i te oroa. E tuatapapahia atoa te mau fifi i te pae o te tereraa pereoo, no nia i te vahi tapearaa e i te haapouraa ˈtu e te ohiraa ˈtu i te mau taata. E faaoti te tino matahiapo eaha te faanahoraa te tia ia ravehia i te vahi iho.

◼ E vauvauhia te oreroraa parau taa ê no te tau o te oroa Haamanaˈoraa i te Sabati 18 no Eperera. Teie te tumu parau o te oreroraa parau “Te auhoaraa mau e o te Atua e to tatou taata-tupu.” E faataehia ˈtu te tino parau o te oreroraa. Te mau amuiraa e terehia ra e te tiaau haaati, e tairururaa haaati aore ra e mahana tairururaa taa ê ta ratou i taua hebedoma ra, e faaroo ïa ratou i te oreroraa parau taa ê i te hebedoma i muri iho. Eiaha te tahi noa ˈˈe amuiraa ia vauvau i teie oreroraa parau na mua ˈˈe i te 18 no Eperera 1999.