Hiˈo-faahou-raa no te Haapiiraa o te Taviniraa Teotaratia

Hiˈo-faahou-raa ma te tapiri i te buka i te mau tumu parau tuatapapahia i roto i te Haapiiraa o te Taviniraa Teotaratia mai te hebedoma o te 1 no Setepa e tae atu i to te 22 no Titema 1997. A pahono i nia i te hoê papie taa ê i te mau uiraa atoa e nehenehe i roto i te area taime i faataahia.

[Nota: I te taime hiˈo-faahou-raa, o te Bibilia anaˈe te faaohipahia. Ua faahitihia te mau faahororaa i muri aˈe i te mau uiraa atoa no te faaohie i ta outou mau maimiraa. Aita te mau numera api e paratarapha o Te Pare Tiairaa i faahiti-pauroa-hia.]

A tuu “tano” aore ra “hape” i muri aˈe i te mau pereota i muri nei:

1. Noa ˈtu e te hiˈohia ra te mau hau faatere tivila ei mau hau parau-tia aore ra parau-tia ore, e tia i te mau Kerisetiano mau ia tapao maitai i to ratou faaipoiporaa ia ratou ra. [kl api 122 par. 11]

2. I roto i te Luka 22:30, hoê â auraa to “na opu tino ahuru ma piti o Iseraela ra,” e to te Mataio 19:28, eita taua pereota ra e tano noa no te mau autahuˈa a Iesu i faatavaihia i te varua, i te tahi atu râ mau taata atoa. [Taioraa Bibilia tahebedoma; hiˈo w87-TH 1/3 api 18 par. 10; api 19 par. 12.]

3. Ua maere te mau pǐpǐ i to Iesu paraparauraa e te hoê vahine no Samaria, no te mea e vahine taiata oia. (Ioa. 4:27) [Taioraa Bibilia tahebedoma; hiˈo w95-TH 15/7 api 15 par. 1-2.]

4. Te titauraa i te hoê oraraa utuafare kerisetiano, o te faarue-noa-raa ïa i te peu taiata e te haamanaraa i te faaipoiporaa. [uw api 139 par. 1]

5. Te tauturu maira te Exodo 21:22, 23 ia tatou ia taa e te hiˈo nei te Atua i te aiû i roto i te opu ei ora faufaa roa. [kl api 128 par. 21]

6. Te “oroa ta te ati Iuda ra” i faahitihia i roto i te Ioane 5:1, o te oroa Pasa ïa o te matahiti 31 T.T. [si api 183 par. 8]

7. Ia faainoino mai te hoê hoa faaroo ia tatou, e mea ino ia ore roa ˈtu tatou e tâuˈa faahou ia ˈna, ma te ape atu ia ˈna. [uw api 134 par. 7]

8. Te hinaaro nei tatou paatoa i te aˈoraa e te faatitiaifaroraa. [uw api 130 par. 12]

9. Ua papai o Luka i te buka Ohipa a parahi ai oia i Ephesia. [si api 188 par. 3]

A pahono i te mau uiraa i muri nei:

10. Nafea ia faaohipa i te tiaraa upoo kerisetiano? [uw api 142 par. 7]

11. Ia au maite i te hiˈoraa o te mau Kerisetiano no Ephesia i te senekele matamua, eaha te hoê taahiraa faufaa te tia ia ravehia no te patoi atu i te mau varua iino? (Ohi. 19:19) [kl api 114 par. 14]

12. No te aha aita o Iesu i faaafaro i te hoê fifi no nia i te tufaa aiˈa? (Luka 12:13, 14) [Taioraa Bibilia tahebedoma; hiˈo w97-TH 1/4 api 28.]

13. I to ratou aniraa ˈtu ia Iesu e e haamau anei oia i te Basileia i Iseraela, mai tei faahitihia i roto i te Ohipa 1:6, eaha ta te mau pǐpǐ i ore i ite? [Taioraa Bibilia tahebedoma; hiˈo w90-TH 1/6 api 4 par. 4.]

14. A faahiti e piti tumu e vai maoro ai te hoê faaipoiporaa. [uw api 140 par. 4]

15. Mea nafea to te tahi mau melahi hararaa i te tau o Noa? [kl api 109 par. 4]

16. Ia au i te buka Apokalupo, ihea “te [feia] tahutahu ra” e tuuhia ˈi ia ore ratou e tatarahapa e e taui i to ratou haerea? [kl api 111 par. 8]

17. Mea nafea te Ture a Mose i te ‘tuu-atoa-raahia mai no te hara’? (Gal. 3:19) [uw api 147 par. 4]

18. I te mea hoi e e taata tia roa o Iesu, e ua farii oia i to ˈna tiaraa ei orometua, no te aha oia i ore ai e farii e ia piihia oia e “orometua maitai”? (Luka 18:18, 19) [Taioraa Bibilia tahebedoma; hiˈo w95-TH 1/3 api 15 par. 7.]

19. Eaha te mea apî no nia i te faaueraa i faahitihia i roto i te Ioane 13:34? [Taioraa Bibilia tahebedoma; hiˈo w90-TH 1/2 api 14 par. 5-6.]

A faaî i te mau area i roto i te mau pereota i muri nei:

20. Ia ite tatou e ua riri mai to tatou taeae ia tatou, te titauhia ra te _________________________ apitihia e te _________________________ no te aparau atu ia ˈna e no te tutava i te faatupu faahou i te _________________________. [uw api 135 par. 10]

21. E toru pariraa haavare i nia ia Iesu ta te mau ati Iuda i parau atu ia Pilato, te tavana Roma no Iudea, oia hoi te haapiˈoraa i te _________________________, te opaniraa ia aufau i te _________________________, e te parauraa Ia ˈna Iho _________________________. (Luka 23:2) [Taioraa Bibilia tahebedoma; hiˈo gt 121.]

22. E nehenehe to tatou here no to tatou mau taeae e rahi, ia faaore tatou i ta ratou _________________________, ia hiˈo i to ratou _________________________, e ia tapao e mea nafea _________________________ ia faaohipa ia ratou. [uw api 137 par. 15]

23. Ei feia tuatapapa i te Bibilia, e tia ia tatou ia haapii i te faaohipa i te mau buka faahororaa e vai ra no te rave i te mau maimiraa, eiaha e manaˈo e e pahonohia ˈtu e _________________________ aore ra _________________________ i te mau uiraa atoa, e e tia ia tatou ia rave i te _________________________ o te faaite ra i to tatou here no _________________________ e no te mau melo o to tatou utuafare. [uw api 144 par. 13]

24. Aita te mau Kerisetiano mau e faatupu ra i te Noela aore ra i te tahi atu mahana oroa i niuhia i nia i te mau tiaturiraa faaroo hape, no te mea o Iehova _________________________; aita atoa ratou e haapao ra i te mau mahana oroa e faariro ra i te mau taata hara aore ra i te mau nunaa _________________________. [kl api 126 par. 16]

25. Na _________________________ i papai i te buka Ohipa a parahi ai oia i _________________________. [si api 188 par. 3]

A reni i te mau pahonoraa tano i roto i te mau faahitiraa i muri nei:

26. Te haapapu ra to tatou oraraa paieti e (e hamani-maitai-noa-hia tatou e vetahi ê; e fanaˈo rahi tatou i te mau taoˈa materia i teie nei; e farii mai te Atua ia tatou no te mea te rave ra ratou i te mea tia). [kl api 118 par. 2]

27. E tiamâ mai te taata na roto i te parau mau no nia (i te ite aivanaa; te haapaoraa hape; ia Iesu Mesia) no te mea e mea na roto anaˈe i taua parau mau ra tatou e tiamâ mai ai i (te mau haapiiraa hape; te mau haapurororaa a teie nei ao; te pohe no te hara). (Ioa. 8:12-36) [Taioraa Bibilia tahebedoma; hiˈo gt 68.]

28. Te “mamoe ê atu” i faahitihia i roto i te Ioane 10:16, o (te mau Kerisetiano etene; te mau Kerisetiano ati Iuda; te feia atoa e tiaturi ra e ora i roto i te Paradaiso i nia i te fenua nei). [Taioraa Bibilia tahebedoma; hiˈo w95-TH 15/4 api 31 par. 4.]

29. I to Iesu aniraa ˈtu i te aposetolo Petero, “Te rahi na to oe here ia ˈu i teie?,” te ani ra Oia ia Petero e ua rahi aˈe anei to ˈna here Ia ˈna i (to ˈna here i te tahi atu mau pǐpǐ; te here o te tahi atu mau pǐpǐ ia Iesu; to ˈna here i teie mau mea, oia te iˈa). (Ioa. 21:15) [Taioraa Bibilia tahebedoma; hiˈo w88-F 1/11 api 31 par. 9.]

30. Ua faaite o Iesu i te autahoêraa faahiahia e vai ra eiaha noa i rotopu i ta ˈna mau pǐpǐ mau e o ˈna, oia atoa râ e te Metua i roto i te faahohoˈaraa o (“te vine mau”; “te tiai mamoe maitai”; te “mamoe e te puaaniho”). (Ioa. 15:1) [si api 187 par. 32]

A faatuati i te mau pereota i muri nei i te mau irava e tano:

Exo. 31:12, 13; Mas. 3:9, 10; Luka 9:60, 62; 13:4, 5; Roma 7:6, 7

31. Ua faahapa o Iesu i te manaˈo e mea faataahia te oraraa, ma te faahiti i te hoê ati tei matau-maitai-hia e te feia i faaroo mai ia ˈna, e ua faaite maitai oia e te tumu o te ati, e taime e e tupuraa manaˈo-ore-hia ïa. [Taioraa Bibilia tahebedoma; hiˈo w96-TH 1/9 api 5 par. 5.]

32. Aita roa ˈtu te Ture a Mose i horoahia na te mau taata atoa. [uw api 147 par. 5]

33. E titauhia te pûpûraa ma te aau rotahi no te ô atu i roto i te Basileia. [si api 181 par. 32]

34. I te faaoreraahia te Ture a Mose, ua faaore-atoa-hia na Ture Ahuru. [uw api 147 par. 5]

35. E haamaitai mai o Iehova ia tatou ia faaohipa tatou i to tatou taime, to tatou puai, e te tahi atu mau faufaa, ta tatou moni anei, no te turu i te haamoriraa mau. [kl api 120 par. 8]