Mau parau faaite

◼ Mau papai e pûpûhia i te avaˈe Atete: Te hoê o teie mau vea iti e 32 api no te tino moni e 40 tara: E oaoa oe i te fenua e a muri noa ˈtu!; E tia anei ia tiaturi i te Toru Tahi?; Eaha te tumu o te oraraa? Nafea outou e ite ai i te reira?; Ia pohe tei herehia e outou na; Te faatereraa o te haamau i te Paradaiso; Te haapao mau ra anei te Atua ia tatou? Setepa: Te ravea e itehia ˈi te oaoa i te utuafare no te tino moni e 80 tara. Atopa: Te Pare Tiairaa e A ara mai na! no te tino moni e 20 tara. Ia anaanatae te taata i te taime hoˈi-faahou-raa e farerei, e nehenehe ïa e pûpû atu i te tamatahitiraa. I te pae hopea o te avaˈe, e operehia Te parau apî o te Basileia n° 35. Novema: Opereraa i Te parau apî o te Basileia n° 35. E nehenehe te mau amuiraa, e ua oti ta ratou tuhaa fenua i te porohia e ua vaiihohia Te parau apî o te Basileia n° 35 i te mau melo o te utuafare tataitahi aore ra i te mau fare atoa, e pûpû i te buka ra Te ite.

◼ I tera e tera tau o te matahiti, te vai ra te mau mahana férié, e aita e haapiiraa ta te mau tamarii e eita te mau taata paari e rave i te ohipa. E mau taime tano roa ïa no te amuiraa ia poro hau atu â. E tia i te mau matahiapo ia ite i te mau taio mahana, no te faaara atea i te amuiraa e eaha te mau faanahoraa i ravehia no te pororaa tapǔpǔ i taua mau mahana férié ra.

◼ E haponohia ˈtu na te amuiraa tataitahi, ia au i to ˈna mau hinaaro, te mau api parau no te matahiti taviniraa 1998. Eiaha teie mau api parau ia haamâuˈa-noa-hia. A faaohipa i teie mau api no te tumu noa i faataahia.

◼ E haponohia ˈtu na te amuiraa tataitahi e toru api Inventaire des publications (S-AB-18). I te haamataraa o te avaˈe Atete, e faanaho te papai parau e te taeae haapao i te mau buka i te hoê taime no te taioraa i te mau buka e vai ra i te hopea o te avaˈe. E tia ia taio maitai i te taatoaraa o te mau buka e vai ra e ia papai i te mau numera i nia i te api Inventaire des publications. E na te taeae haapao i te mau vea e faaite i te taatoaraa o te mau vea e toe ra. A hapono mai i te api matamua no te 6 no Setepa. A faaherehere i te piti o te api i roto i ta outou pueraa parau. E faaohipahia te toru o te api ei papaipairaa. E hiˈopoa te papai parau i te taioraa, e e hiˈohia te api tei faaî-maitai-hia e te tiaau peretiteni. E tarima te papai parau e te tiaau peretiteni i te api.

◼ E haamata te mau amuiraa i te ani i te Calendrier des Témoins de Jéhovah 1998 i nia i ta ratou parau aniraa buka o te avaˈe Setepa. Mea na roto i te reo Farani teie mau kalena.

◼ Mai te 18 e tae atu i te 30 no Atete 1997, e taio te Taiete i te taatoaraa o te mau buka e toe ra i Toahotu. Eita roa ˈtu ïa e fariihia te hoê noa ˈˈe aniraa, i te roaraa o taua taime ra, no nia i te mau buka haponohia aore ra e haerehia mai e tii i te Betela.