Mau parau faaite

◼ Mau papai e pûpûhia i te avaˈe Tenuare: Te mau buka atoa 192 api i neneihia na mua ˈˈe i te matahiti 1984 te vai ra ta te amuiraa no te tino moni e 80 tara. E pûpû te mau amuiraa aita ta ratou teie mau buka, i te buka ra Nafea ia faatupu i te hoê oraraa utuafare oaoa. Febuare: Te Apokalupo: Ua fatata roa to ˈna tatararaa rahi hopea nei! no te tino moni e 200 tara. Mati: Te ravea e itehia ˈi te oaoa i te utuafare no te tino moni e 80 tara. Eperera: Te Pare Tiairaa e te A ara mai na! I roto i te mau tuhaa fenua poro-pinepine-hia, e nehenehe e faaohipa i te vea iti apî ra Eaha ta te Atua e titau ra ia tatou?

◼ I te putuputuraa no te taviniraa i te hebedoma o te 6 no Tenuare, e horoahia na te feia poro bapetizohia atoa te hoê parau “Instructions médicales/Pas de sang” e te mau “Carte d’identité” no ta ratou mau tamarii.

◼ Mai te avaˈe Febuare atu, aore ra mai te 2 no Mati atu, e vauvau te mau tiaau haaati i te hoê oreroraa parau huiraatira apî “E faaohipa anaˈe i te haapiiraa no te arue ia Iehova.”

◼ E rave te mau amuiraa i te mau faanahoraa e tano no te oroa Haamanaˈoraa, o te faatupuhia i teie matahiti i te Sabati 23 no Mati i muri aˈe i te toparaa mahana. E faahaerehia te mau taoˈa taipe, te pane e te uaina, i muri aˈe i te toparaa mahana, eiaha râ na mua ˈˈe, noa ˈtu e e nehenehe te oreroraa parau e haamata na mua ˈˈe. A hiˈo maitai i te hora o te toparaa mahana i to outou vahi. I te mea e aita e putuputuraa taa ê atu i to te pororaa e faatupuhia i taua mahana ra, e faanahohia ïa te tahi atu mahana no te haapiiraa o Te Pare Tiairaa. E tia i te mau tiaau haaati ia taui i ta ratou porotarama no te mau putuputuraa o te hebedoma ia au i te nehenehe e rave i reira. Mea maitai aˈe ia faanaho te amuiraa tataitahi i ta ˈna iho oroa Haamanaˈoraa, noa ˈtu e eita e nehenehe e na reira noa. I te vahi i reira e putuputu ai e rave rahi amuiraa i roto i te hoê â Piha no te Basileia, peneiaˈe e nehenehe hoê amuiraa aore ra hau atu, e faaohipa i te tahi atu vahi i taua po ra. Eiaha e faataere i te haamataraa o te oroa Haamanaˈoraa e fifihia ˈtu ai te feia e anaanatae apî maira i te parau mau. Hau atu, eiaha atoa te mau hora ia piri roa e inaha aita ˈtura e taime na mua ˈˈe e i muri aˈe i te oroa, no te aroha i te mau manihini, no te pûpû atu i te tauturu tamau i te pae varua aore ra no te faaitoito i te tahi e te tahi. I muri aˈe i te tuatapapa-maitai-raa i te mau tuhaa atoa, e faaoti te mau matahiapo e eaha te faanahoraa e tano ia nehenehe te feia atoa o te tae mai i te oroa Haamanaˈoraa ia faufaahia.

◼ E vauvauhia te oreroraa parau taa ê no te tau o te oroa Haamanaˈoraa i te Sabati 6 no Eperera 1997. E faataehia ˈtu te tino parau o te oreroraa. Te mau amuiraa e terehia ra e te tiaau haaati, e tairururaa haaati, aore ra e mahana tairururaa taa ê ta ratou i taua hebedoma ra, e faaroo ïa ratou i te oreroraa parau taa ê i te hebedoma i muri iho. Eiaha te tahi noa ˈˈe amuiraa ia vauvau i teie oreroraa parau na mua ˈˈe i te 6 no Eperera.

◼ E tia i te tino matahiapo ia ite e, mea faufaa ia rave i te mau tauiraa i muri nei ia haere anaˈe te amuiraa i te hoê tairururaa: I te hebedoma o te mahana tairururaa taa ê, e tia ia faatupuhia te mau putuputuraa a te amuiraa mai tei matauhia, area te putuputuraa huiraatira e te haapiiraa no Te Pare Tiairaa ra, e faaorehia ïa. I te hebedoma o te tairururaa haaati, e faaore atoa ïa te amuiraa i te Haapiiraa o te Taviniraa Teotaratia e te putuputuraa no te taviniraa; o te haapiiraa buka anaˈe te faatupuhia i taua hebedoma ra.

◼ Te haapapu atu nei matou e te vai ra te Bibilia na roto i te reo Tahiti (buka rahi) no te tino moni e 300 tara, mai tei faaitehia i roto i te tuhaa ra Mau papai apî e vai ra i te api 4 o Te taviniraa o te Basileia o teie avaˈe.