Mau parau faaite

◼ Mau buka e pûpûhia i te avaˈe febuare: Nafea ia faatupu i te hoê oraraa utuafare oaoa no te tino moni e 80 tara aore ra Te Apokalupo: Ua fatata roa to ˈna tatararaa rahi hopea nei! no te tino moni e 200 tara. Mati: Te ite e aratai i te ora mure ore no te tino moni e 80 tara. (Mai te peu e te vai ra, mai te peu e aita, te buka ïa E nehenehe oe e ora e a muri noa ˈtu i roto i te paradaiso i nia i te fenua nei no te tino moni e 200 tara.) Eperera e me: Te Pare Tiairaa e te A ara mai na! no te tino moni e 14 tara. I roto i te mau tuhaa fenua poro-pinepine-hia, e nehenehe e faaohipa i te mau vea iti atoa, eiaha râ te mau vea iti Te haapiiraa e L’école. Ia anaanatae te taata ia hoˈi atu tatou e farerei ia ˈna, e nehenehe ïa e pûpû atu i te tamatahitiraa. FAAARARAA: Te mau amuiraa o te hinaaro i te mau buka i faahitihia ˈtu nei, a ani atu ïa i nia i ta ratou Parau aniraa buka i mua nei (S-14).

◼ E hiˈopoa te papai parau e te tiaau no te taviniraa i te ohipa a te taatoaraa o te mau pionie tamau. Mai te peu e te fifi ra vetahi ia naea ta ratou mau hora, e faanaho ïa te mau matahiapo e ia tauturuhia ˈtu ratou. A hiˈo atoa i te mau paratarapha 12-20 o te api parau hau o Te taviniraa o te Basileia no atete 1986.

◼ E faatupuhia te oroa Haamanaˈoraa i te mahana piti 2 no eperera 1996. A haamanaˈo e e faahaerehia te pane e te uaina i muri aˈe i te toparaa mahana, eiaha râ na mua ˈˈe, noa ˈtu e e nehenehe te oreroraa parau o te oroa Haamanaˈoraa e haamata na mua ˈˈe. A hiˈo maitai i te hora o te toparaa mahana i to outou vahi. Aita hoê putuputuraa taa ê atu i to te pororaa e faatupuhia i taua mahana ra. E nehenehe te mau amuiraa e putuputuraa ta ratou i te mahana piti, e taui i te mahana mai te peu e e vata te piha.

◼ E tia i te feia poro e opua ra e riro ei pionie tauturu i te mau avaˈe mati, eperera e me, ia faanaho ia ratou i teie nei iho e ia faaî oioi i ta ratou aniraa. E tauturu te reira i te mau matahiapo ia rave i te mau faanahoraa hinaarohia no te pororaa e ia faaineine i te mau pueraa buka navai maitai.

◼ E nehenehe e ani i te mau parau i te pae no te ture no te tauturu i te feia poro e hororaa ta ratou i mua i te tiribuna no te faaoti e na vai e haapao i te tamarii e te tiaraa no te farereiraa, e te faahapahia ra ta tatou haapaoraa i roto i teie hororaa. O te tino matahiapo anaˈe te nehenehe e ani i teie mau parau, e te reira mai te peu noa e te ite-papu-hia ra e, o te mau tiaturiraa faaroo o te taata poro te faatupu ra i te fifi. E nehenehe te feia e farerei ra i te fifi no nia i te tiaraa haapao tamarii e te tiaraa farereiraa e fanaˈo i te mau haamaramaramaraa faufaa roa i roto i te A ara mai na! (farani) o te 22 no atopa 1988, mau api 2-14, e i te tabula o te api 21 o te A ara mai na! o te 8 no eperera 1991.