Mau parau faaite

◼ Mau buka e pûpûhia i te avaˈe tenuare: Te ino ore no te ao atoa nei i raro aˈe i te Faatereraa a te ‘Tamaiti hui arii no te hau’; Te hau e te ino ore mau—No hea mai ïa? aore ra Nafea ia faatupu i te hoê oraraa utuafare oaoa no te hoê tino moni e 80 tara. E tia i te mau amuiraa te vai ra ta ratou te mau buka e 192 api i neneihia hou te matahiti 1982, ia pûpû na mua i teie mau buka. Febuare: Nafea ia faatupu i te hoê oraraa utuafare oaoa no te tino moni e 80 tara aore ra Te Apokalupo—Ua fatata roa to ˈna tatararaa hopea nei! e 200 tara. Mati: Te ite e aratai i te ora mure ore no te tino moni e 80 tara. (Mai te peu e te vai ra, mai te peu e aita, te buka ïa E nehenehe oe e ora e a muri noa ˈtu i roto i te paradaiso i nia i te fenua nei.) Eperera: Te Pare Tiairaa e te A ara mai na! no te hoê tino moni e 320 tara hoê matahiti e 160 tara e ono avaˈe. I roto i te mau tuhaa fenua poro-pinepine-hia, e nehenehe e faaohipa i te mau vea iti atoa, eiaha râ te mau vea iti Te haapiiraa e L’école. Ia anaanatae te taata ia hoˈi atu tatou e farerei ia ˈna, e nehenehe ïa e pûpû atu i te tamatahitiraa. FAAARARAA: Te mau amuiraa e hinaaro i te mau buka i faahitihia ˈtu nei, a ani atu ïa i nia i ta ratou Parau aniraa buka i mua nei (S-14).

◼ E tia i te mau amuiraa ia rave i te mau faanahoraa e tano no te oroa Haamanaˈoraa, e faatupuhia i teie matahiti i te mahana piti 2 no eperera i muri aˈe i te toparaa mahana. Mea maitai aˈe ahiri e e faanaho te amuiraa tataitahi i ta ˈna iho oroa Haamanaˈoraa, tera râ, eita e nehenehe e na reira noa. I te vahi i reira e rave rahi mau amuiraa o te putuputu nei i roto i te hoê â Piha no te Basileia, peneiaˈe e nehenehe hoê amuiraa aore ra hau atu, e faaohipa i te tahi atu vahi i taua po ra. Eita e tia e ia taere roa te haamataraa o te oroa Haamanaˈoraa e fifihia ˈtu ai te feia e anaanatae apî maira i te parau mau. Hau atu, eiaha atoa te mau hora ia piri roa e inaha aita ˈtura e taime na mua ˈˈe aore ra i muri aˈe i te oroa no te aroha i te mau manihini, no te pûpû atu i te tauturu pae varua aore ra no te faaitoito i te tahi e te tahi. I muri aˈe i te tuatapaparaa i te mau tuhaa atoa, e faaoti te mau matahiapo eaha te faanahoraa e tano ia nehenehe te feia atoa o te tae mai i te oroa Haamanaˈoraa ia faufaahia.

◼ E vauvauhia te oreroraa parau taa ê no te tau o te oroa Haamanaˈoraa i te sabati 21 no eperera 1996. Teie te upoo parau, “Ia vai hapa ore tatou i rotopu i te hoê ui piˈo.” E faataehia ˈtu te tino parau o te oreroraa. Te mau amuiraa e topa te tere o te tiaau haaati, ta ratou tairururaa haaati, aore ra ta ratou mahana tairururaa taa ê, i taua hopea hebedoma ra, e faaroo ïa ratou i te oreroraa parau taa ê i te hebedoma i muri iho. Eiaha te tahi noa ˈˈe amuiraa ia faatupu i teie oreroraa parau na mua ˈˈe i te 21 no eperera.

◼ Mai te avaˈe febuare atu, aore ra mai te 3 no mati atu, e vauvau te mau tiaau haaati i te oreroraa parau huiraatira apî “Te hoê amuiraa taiva ore i raro aˈe i te aratairaa a te Mesia.”